«QazAgro» kóktemgi egis jumystaryn qarjylandyrý aýqymyn keńeıtti. Sonymen qatar, onyń enshiles qurylymy 2 myńnan astam aýyl sharýashylyǵy jáne arnaıy tehnıkany satyp alýdy qarjylandyrady. Jalpy, osy eki tetik 5,7 mln. gektardan astam alqapta kóktemgi egis jumystaryn júrgizýge múmkindik berdi.
Qazaqstandyq dıqandardyń bıylǵy mejesi – 15 mln. tonna astyq. Bul týraly keshe «QazAgro» ulttyq basqarýshy holdıngi» AQ basqarma tóraǵasynyń orynbasary Dáýren Mahajanov málim etti.
Aqmola oblysynda el qazynasyna jarty jylda 6 mlrd. 19 mln. 200 myń teńge kedendik tólemder aýdaryldy. Osylaısha ótken jyldyń osy merzimimen salystyrǵanda, kedendik tólemder men salyq kólemi 18 paıyzǵa artyp otyr.
Bıyl Astanada 3500 oryndyq úsh mekteptiń qurylysy aıaqtalady. Olar – Jeleznodorojnyı kentindegi 1100 oryndyq, №19 kósheniń boıyndaǵy 1200 oryndyq jáne «Batyǵaı» turǵyn úı keshenindegi 1200 oryndyq bilim ordalary. Budan bólek, bıyl 6 myń oryndyq jańa 5 mekteptiń qurylysy bastaldy.
Shymkenttegi «Ordabasy qus» JShS kúrketaýyq fabrıkasy jylyna 4828 tonna et daıyndaýǵa jetti. Osynda arnaıy bolǵan oblys ákimi Asqar Myrzahmetov búginde ónimin respýblıkadan tys Reseıdiń birqatar qalalaryna jetkizip otyrǵan kásiporynǵa joǵary baǵa berdi. Endi fabrıka ındýstrııalandyrýdyń ekinshi kezeńinde qýattylyqty 8110 tonnaǵa jetkizgeli otyr.
О́skemen turǵyndaryn ekologııalyq taza aýdandarǵa kóshirý baǵdarlamasy qolǵa alynady. Endi osy maqsatqa bıýdjetten aqsha bólinip, negizgi jumystar júre bastaıdy.
Qyzylorda qalasynda bıylǵy alty aıda 611 mlrd. 999 mln. teńgeniń ónerkásip taýarlary óndirildi. Bul týraly qala ákimi Nurlybek Nálibaev qalalyq máslıhat sessııasyna bergen esebi kezinde málimdedi.
Qaraǵandy oblysynda 800 myń teńge para alǵan tergeýshi ustaldy. Abaı aýdandyq IIB Topar polısııa bóliminde qyzmet etken tártip saqshysy jaqyn týystaryn qylmystyq jaýapkershilikten arashalap qalý úshin eki azamattan aqsha bopsalaǵan.
«QazAqparat», «Qazaqstan jańalyqtary», Bnews.kz, TengriNews, EgemenNews habarlary boıynsha daıyndaldy.