Elektr baǵandar avtokólikterdi qys mezgilinde qyzdyrýǵa arnalǵan. Innovasııalyq joba qala ákimdiginde talqylandy. Bul týraly Nur-Sultan qalasy ákimdiginiń baspasóz qyzmeti habarlady.
ADB esebinen júzege asatyn mundaı jobalar qorshaǵan ortaǵa paıdaly: jaǵarmaı tutyný mólsheri azaıyp, aýaǵa las qaldyqtardyń zalaly azaıady.
Tehnologııa 2 bólikten turady: 1-shi bóligi- elektrostansııanyń ózi, 2 - shi bóligi-kólikte ornatylatyn qurylǵy. Sol qurylǵy arqyly kólik elektr baǵanyna qosylady.
Pılottyq joba tómende kórsetilgen turaq aımaqtarynda iske asyrylady:
«Nursaıa -2» turǵyn úı kesheni (Máńgilik El dańǵ., 13),
«Saryarqa» aýdanynyń ákimdigi (Saryarqa dańǵyly, 13),
Esil aýdanynyń ákimdigi (Qabanbaı batyr dańǵyly, 33),
«Toyota city» dılerlik kompanııasy (Turan dańǵyly 76),
«Qazaqstan Temir Joly «UK» AQ fılıalynyń «Aqmola magıstraldyq jeli bólimshesi» (Shyntas burylysy 1a).