Jýrnalısterdiń ustazyna arnaldy

Jıyndy Eýrazııa ulttyq ýnı­versıtetiniń rektory Er­lan Sydyqov ashyp, mereıtoı ıesin quttyqtaýǵa ar­na­ıy jıylǵan jýrnalıstı­ka salasynyń tanymal tulǵa­laryna sóz kezegin berdi. Aıtý­ly ustazǵa Memlekettik hat­shy Q.Kósherbaev quttyqtaý hatyn Prezıdenttiń keńes­shisi, professor Baýyrjan Omar­uly tap­syrdy. Prezı­dent Ákim­shi­ligi Basshysy birinshi oryn­basary M.Áshim­baevtyń quttyqtaý hatyn Prezıdenttiń baspasóz hatshysy Berik Ýálı, Nur Otan par­tııasy basshylyǵynyń qut­t­yq­taýyn partııa hatshysy Arman Qyryqbaev, Parla­ment Máji­lisi tóraǵasynyń qut­tyq­taý hatyn Májilis de­pý­taty Darhan Myńbaı oqyp berdi. Bul kisilerdiń ár­qaı­sy­sy jýrnalıstıkanyń tutas býy­nyn tárbıelegen u­s­tazǵa óz ta­rap­tarynan da yqy­las­ty sózderin arnap, qurmet kórsetti.

Jýrnalıstıkanyń korı­feıine jalyndy jyldary ótken Almaty árqashan da ys­tyq. Almatynyń ystyq sá­le­min aqyn Baýyrjan Jaqyp pen ǵalym Saǵatbek M­e­deý­­bekuly jetkizdi. Biri Qazaq­­stan Jazýshylar odaǵy, ekin­shisi Ál-Farabı atyndaǵy Qazaq ulttyq ýnıversıteti Jýr­nalıstıka fakýltetiniń aty­nan N.Omashulyna júrek­jardy lebizderin arnady, syı-sııapattaryn tapsyrdy. «Aqynǵa qara sózden óleń ońaı» demekshi, Baýyrjan Jaqyp «Oıtaldan shyqqan oı­ly aǵam» degen órnekti óleńi­­men mereıtoı ıesiniń beı­nesin jasady.

Konferensııa barysynda Aqparat jáne qoǵamdyq damý mınıstri Dáýren Abaev mereıtoı ıesi týraly pikirin bildirdi. «Namazaly Omash­uly – jastarǵa úlgi bolǵan, zamandastary úshin boı túzeýge laıyq tulǵa. Qarashańyraq QazUÝ-de, Eýrazııa ulttyq ýnıver­sıtetinde jýrnalıstı­ka fakýltetterin basqarǵan kásibı menedjer. Júzdegen stý­dentterdiń tomaǵasyn sy­pyr­ǵan bapker. Bir sózben aıtqanda elimizde jýrna­lıs­tıkanyń tutas bir býynynyń qalyptasýyna zor úles qosqan ulaǵatty ustaz» dedi ol. Oǵan qosa mınıstr jýrnalıstıkany damytý úshin mınıstrlik jasaǵan 2020-2023 jyldarǵa arnalǵan Ulttyq jospar týraly áńgimeledi. Ol jospar boıynsha medıa naryqqa mýltımedııalyq ónimderdi shy­ǵarý, aýyl halqyn radıohabarlarmen qamtamasyz etý, baspa BAQ úshin salyqtyq jeńildik qarastyrý kózdel­gen. Sondaı-aq mınıstrdiń aıtýyn­sha, «Mádenıet» telearnasy ashylyp, bıyl tuńǵysh ret jas jýrnalıster arasynda «Úmit» baıqaýy uıym­das­tyrylady.

Jalpy, konferensııada zııaly qaýym ókilderi, jýrnalıster, aqyndar, mereıtoı ıesiniń shákirtteri men zamandastary tarapynan N.Omashulynyń mereıin ta­sytqan quttyqtaýlar men tilek­­ter, pikirler men lebizder kóp aıtyldy.

Is-shara barysynda mereıtoı ıesi jaıly «О́tkir sózdiń almas kezdigi» atty derekti fılm kórsetildi. Sondaı-aq ál-Farabı atyndaǵy Qazaq ulttyq ýnıversıteti Ǵylymı Keńestiń bekitýimen «О́negeli ómir» serııasy aıasynda jaryq kórgen Namazaly Omashuly tulǵasyna arnalǵan kitaptyń tusaýskeseri ótkizildi.

Aıta ketý kerek, konferen­sııa sheńberinde ýnıver­sı­tettiń «Kúltegin» atrıýmynda ǵalym eńbekteriniń ar­naıy kórmesi de uıym­das­tyryldy.