Bul týraly Memleket basshysy Qasym-Jomart Toqaev Twitter paraqshasynda jazdy.
«Bul kúnderi azamattarymyzdan kóptegen ótinish kelip túsýde. Dúngen balasynyń beınejazbasyna nazar aýdardym. Jaýap beremin: Meniń mindetim - elimizde beıbitshilik pen kelisimdi qamtamasyz etý» dep jaýap berdi Qasym-Jomart Toqaev.
Juma kúni keshqurym Jambyl oblysynyń Qordaı aýdany Masanshy aýyly turǵyndarynyń arasynda toptyq tóbeles boldy. Qazaqtar men dúngender arasyndaǵy kelispeýshiliktiń sońy janjalǵa ulasqan. Masanshydaǵy qaqtyǵys týraly túrli beınetúsirilimder men aqparattar sol kúni-aq keshke qaraı áleýmettik jelilerde tarap ketti.
Qaqtyǵysqa baılanysty Memleket basshysy Qasym-Jomart Toqaev oqıǵa saldaryn joıý maqsatynda Úkimet komıssııasyn qurýdy tapsyrǵan bolatyn. Prezıdenttiń tapsyrmasy boıynsha keshe Qazaqstan Respýblıkasy Premer-Mınıstriniń orynbasary Berdibek Saparbaev bastaǵan Úkimet komıssııanyń Jambyl oblysyna arnaıy kelgeni habarlanǵan edi.