Búgin Májiliste Palatanyń vıse-spıkeri Gúlmıra Isımbaevanyń tóraǵalyq etýimen úkimet saǵaty ótti. Bul týraly Parlament Májilisiniń baspasóz qyzmeti habarlady.
Otyrysty ashqan Májilis Tóraǵasynyń orynbasary G. Isımbaeva Parlament Májilisi maquldaıtyn zań jobalarynyń ishindegi eń mańyzdy da kúrdelisi respýblıkalyq bıýdjet týraly zań ekenine nazar aýdardy. Bıýdjet qarajatyn ashyq ári tıimdi josparlap, jumsaý barsha memlekettik organdardyń eń ózekti mindeti ekenine nazar aýdarǵan vıse-spıker memlekettik aýdıtti engizý memleket qarajatyn baqylaýdy jetildirýdiń mańyzdy baǵyttarynyń biri ekenin atap ótti.
Bes ınstıtýsıonaldyq reformany iske asyrý jónindegi «100 naqty qadam» Ult josparynda aýdıt pen memlekettik apparat jumystaryn baǵalaýdyń jańa júıesin engizý kózdelgen. Qazir osy mindetterdi oryndaý boıynsha birqatar naqty sharalar qabyldanýda. Sonyń ishinde tıisti zańnama jetildirilip, ádisnamalyq baza ázirlendi, memlekettik aýdıtorlarǵa sertıfıkattaý júrgizilgen. Qarjylyq buzýshylyqtardy joıyp, qymqyrylǵan qarajatty bıýdjetke qaıtarý boıynsha da oń dınamıka baıqalýda. О́tken jyly bıýdjetke 10,4 mlrd teńge qaıtaryldy, ol aldyńǵy jyldarmen salystyrǵanda, 10 esege deıin ósti, - dedi G. Isımbaeva.
Degenmen, bul salada áli de bolsa sheshimin tappaǵan problemalar bar. Mysaly, memlekettik organdar bólingen qarajatty esepti jyldyń sońyna deıin formaldy túrde ıgerip qalýǵa umtylýyn toqtatar emes. Bul bıýdjetti atqarýdan sapaly nátıje alýǵa aıtarlyqtaı kedergi keltirýde. Otyrysta Qazaqstan Respýblıkasy Premer-Mınıstriniń birinshi orynbasary - Qarjy mınıstri Álıhan Smaıylov «Bıýdjet qarajatyn paıdalanýdyń tıimdiligin arttyrý maqsatynda memlekettik aýdıtti odan ári damytý» taqyrybynda baıandama jasady. Jaýapty organ basshysynyń aıtýynsha memlekettik aýdıtti engizý jáne onyń nátıjeleri boıynsha 4 jyl ishinde Ulttyq komıssııa 1,5 myńnan astam memlekettik aýdıtordy sertıfıkasııadan ótkizgen. Sonymen qatar barlyq memlekettik jáne atqarýshy organdarda 54 ishki aýdıt qyzmetteri qurylyp, memlekettik aýdıt jáne táýekelder jónindegi keńesterdiń 79 otyrysy ótken.
Al, qashyqtan tekserý ádisterin engizý jáne damytý aýdıt obektileriniń quqyqtyq saýattylyǵyn arttyryp, sybaılas jemqorlyq táýekelderin barynsha azaıtqan. Osy taqyryp boıynsha Májilistiń Qarjy jáne bıýdjet komıtetiniń tóraıymy Gúljan Qaraqusova qosymsha baıandama jasap, depýtattar A. Jamalov, J. Dúısebaev, M. Aısına, P. Sharapaev, B. Dúısenbınov, S. Ahmetov, I. Ýnjakova, F. Qarataev, Sh. О́temisov, S.Sımonov, I. Smırnova, B. Izmuhambetov. Mahambetov bıýdjet qarajatyn paıdalaný tıimdiligin odan ári arttyrý úshin memlekettik aýdıtti jetildirý jáne damytý sharalary, memlekettik aýdıtti jańǵyrtý prosesteriniń problemalary men perspektıvalary boıynsha birqatar suraqtar qoıyp, pikirlerin bildirdi. Úkimet saǵatynda talqylanǵan máseleler boıynsha depýtattar tıisti Usynymdar qabyldady.