Qazaqstandyq kásipqoı boksshy Jan Kosobýskıı óziniń kelesi jekpe-jegin 22 aqpanda Germanııada argentınalyq Markos Antonıo Aýmadaǵa qarsy ótkizedi.
33 jastaǵy Ońtústik Amerıkanyń oǵlany Markos Antonıo Aýmada kásipqoı rıngte 2011 jyldan beri judyryqtasyp júr. Sol kezden beri barlyǵy 29 kezdesý ótkizgen ol 21 ret jeńiske jetti. 16 qarsylasyn aıqyn basymdyqpen utty.
Asa aýyr salmaqta judyryqtasatyn 32 jastaǵy Qazaqstannyń óreni Jan Kosobýskıı kásipqoılar arasynda 2017 jyldan beri kúsh synasýda. Sol ýaqyttan beri 12 ret sharshy alańǵa shyǵyp, barlyq jekpe-jeginde jeńis toıyn toılady. Jerlesimiz 11 básekeni nokaýtpen aıaqtady.