Bıyl Shymkentte erte kóktemde eń alǵash gúldep, qala kelbetine erekshe sán beretin 1 mıllıon 300 myń dana qyzǵaldaq gúli egildi. Osylaısha TMD elderiniń mádenı astanasy mártebesin ıemdengen shahar qonaqtar men týrısterdi qulpyrǵan ásem gúldermen qarsy almaq.
Shymkenttiń sımvoly bolyp tabylatyn qyzǵaldaqtardyń basym kópshiligi gollandyq suryptaǵy sary, qyzyl, kók, qyzǵylt jáne kúlgin tústi.
Qyzǵaldaqtyń gúldeý maýsymy aıaqtalǵannan keıin, ornyna basqa da jazdyq gúlder egiledi. Bıyl olardyń sany eki esege artpaq. Iаǵnı, 2 mıllıonǵa jýyq jazdyq gúl kóshetterin otyrǵyzý josparlanýda.
Budan bólek, osy jyly kóktem jáne kúz aılarynda kópjyldyq 25 myńnan astam raýshan gúl kóshetteri men 90 myń lıgýstrým butaqshalary, 30 myń qylqan jáne jaı japyraqty aǵash kóshetteri otyrǵyzylmaq. Osylaısha ásem gúlder men jasyl jelek úshinshi megapolıstiń ajaryn asha túspek. Qalany kógaldandyrý isine jaýapty mamandardyń aıtýynsha, gúlder sýretshilerdiń birlesip syzǵan eskızine saı egiledi.
Shymkent