Memleket basshysy Qasym-Jomart Toqaev 14-16 aqpan aralyǵynda Qaýipsizdik jónindegi 56-shy Mıýnhen konferensııasyna qatysý úshin Mıýnhen qalasyna (Germanııa) jumys saparymen barady. Bul týraly Berik Ýálı Facebook paraqshasynda jarııalady.
Sapar baǵdarlamasy boıynsha Prezıdent Mıýnhen qaýipsizdik konferensııasynyń paneldik pikirtalasyna qatysady jáne birneshe memlekettiń basshylarymen, halyqaralyq uıymdardyń, Germanııanyń iri kompanııalarynyń jetekshilerimen, sondaı-aq akademııalyq toptardyń ókilderimen birqatar ekijaqty kezdesýler ótkizedi dep josparlanǵan.
Atalǵan is-sharaǵa 40-qa jýyq memlekettiń basshylary, 100-den astam syrtqy ister jáne qorǵanys mınıstrleri, halyqaralyq qatynastar salasyndaǵy bedeldi sarapshylar qatysady.
Qaýipsizdik jónindegi Mıýnhen konferensııasy – eń iri jahandyq beıresmı forýmdardyń biri. Konferensııada qazirgi zamannyń kókeıtesti syn-qaterleri men qaýipteri talqylanady.