Qazaqstan Respýblıkasynyń Mádenıet jáne sport mınıstri Aqtoty Raıymqulova mánerlep syrǵanaýshy Elızabet Tursynbaevany týǵan kúnimen quttyqtady. Bul týraly Mádenıet jáne sport mınıstrliginiń baspasóz qyzmeti habarlady.
Kezdesýge Mádenıet jáne sport mınıstrligi Sport jáne dene shynyqtyrý isteri agenttiginiń tóraǵasy Serik Sápıev jáne sportshynyń ákesi Baıtaq Tursynbaev qatysty.
Mınıstr óz kezeginde Elızabetke jastar arasynda salaýatty ómir saltyn nasıhattap, elimizdiń abyroıyn baıraqty básekelerde laıyqty qorǵap júrgenine alǵys aıtty. Sondaı-aq aldaǵy dodalarǵa sáttilik tiledi.