Búgin Ekologııa mınıstrligi, Birikken Ulttar Uıymynyń Qazaqstandaǵy Damý Baǵdarlamasy (BUUDB) jáne Bitfury Group kompanııasy elimizde klımatty qorǵaý boıynsha jobany iske asyrýdyń birlesken jospary jóninde jarııalady.
Búgingi tańda ormandar alańyn ulǵaıtý arqyly parnıktik gazdar shyǵaryndylaryn azaıtý boıynsha birlesken joba ázirlenýde.
Sarapshylardyń baǵalaýy boıynsha Qazaqstandaǵy orman kómirteginiń jalpy kólemi 718,3 mln.tonnadan astam SO2 balamasyna baǵalanady. Orman jamylǵysynyń 4,6%-dan 5%-ǵa deıin artýy kómirtekti ormandarmen sińirýdi jylyna qosymsha CO2 balamasynda 2,9 mln.tonnaǵa deıin arttyrýǵa kómektesedi. Kómirtegi úshin olardyń mánimen qatar, saý ormandar sý resýrstaryn retteýdi, bıoártúrlilikti, sondaı-aq dári-dármekter men ekotýrızm sııaqty azyq-túlik pen basqa da paıdany qosa alǵanda negizgi qyzmetter kórsetedi.
Aıta ketý kerek, Qazaqstan 2016 jyly klımattyń ózgerýi jónindegi Parıj kelisimin ratıfıkasııalap, jeke sektordyń qatysýymen ınnovasııalyq sheshimderdi jumyldyrý arqyly 2030 jylǵa qaraı parnıktik gazdar shyǵaryndylaryn 15%-ǵa qysqartýǵa mindetteldi.
«Búginde Qazaqstandaǵy aýanyń negizgi lastaýshylary kólik jáne energetıka salalary bolyp tabylady. Jyl saıyn ekojúıege túsetin júkteme ósýde, tabıǵı kómirtekti sińirgishsiz, ıaǵnı ormandarsyz, parnıktik gazdardyń shoǵyrlanýy tek óse túsedi de, Parıj kelisiminiń maqsattaryna jetý múmkin bolmaıdy», dedi Ekologııa mınıstri M.Myrzaǵalıev.
«Mundaı jaǵdaıda memlekettiń kúsh-jigerinen bólek, jeke sektordyń qoldaýy men ekologııalyq jaýapkershiligi óte mańyzdy. Sondyqtan biz Bitfury-diń klımatty qorǵaý salasyndaǵy bastamasyn qoldaımyz», - dep atap ótti ol.
Bitfury – klımattyń ózgerý máselelerin jáne álemdegi basqa da ekologııalyq máselelerdi sheshýmen aınalysatyn jańa tehnologııalar salasyndaǵy jetekshi kompanııa.
«Biz ǵalamsharymyzdy qorǵaý úshin ornyqty damý maqsattaryn tolyq qoldaımyz jáne Qazaqstannyń parnıktik gazdardyń shyǵaryndylaryn beıtaraptandyrý úshin ótemaqy tetikterin qurý jónindegi ulttyq bastamashylyǵymen shabyttandyq», dedi Qazaqstandaǵy Bitfury Ǵalamdyq keńsesi ákimshiliginiń basshysy Vadım Krýtov.
«Men Qazaqstan ormandaryn qoldaý jáne parnıktik gazdar shyǵaryndylaryn azaıtý jónindegi birlesken kúsh-jigerimizdi asyǵa kútemin», dep atap ótti ol.
BUUDB jańa ekologııalyq kodekstiń jobasy úshin birneshe zańnamalyq usynystar ázirledi. Bul ormandardy baǵalaýdyń jańa ádisnamasyn, sondaı-aq BUU-nyń klımattyq kelisimderine sáıkes Qazaqstandaǵy kómirtegi shyǵaryndylary jónindegi jobalardy ázirleý men iske asyrýdy qamtıdy.
«Bolashaqta biz Qazaqstan Respýblıkasynyń Úkimetine tabıǵatty qorǵaý zańnamasyn jetildirýge jáne tabıǵatty paıdalanýdy basqarý úshin jańa qarjylyq sheshimdermen bólisýge yqpal etýdi jalǵastyramyz. Bul kún tártibindegi jeke sektordyń rólin arttyrý men qyzyǵýshylyǵyn tartý úshin basty faktor bolyp tabylady», - dedi BUUDB-nyń Qazaqstandaǵy Turaqty О́kili Iаkýp Berısh.
Kezdesý sońynda taraptar yntymaqtastyq týraly úshjaqty kelisimge qol qoıdy. Seriktester Qazaqstanda orman alqaptaryn ulǵaıtý jáne orman paıdalaný praktıkasyn jetildirý, sondaı-aq klımattyń ózgerýi týraly jurtshylyqtyń habardar bolýyn kúsheıtý esebinen parnıktik gazdar shyǵaryndylaryn azaıtý boıynsha jumys isteıtin bolady.