Reseıdiń Sankt-Peterbýrg qalasynda ótip jatqan júlde qory 848 000 AQSh dollaryn quraǵan «WTA Premier» týrnırinde qazaqstandyq tennısshi Elena Rybakına óner kórsetýde.
Bastapqy básekelerde chehııalyq Katerına Sınıakova (59 raketka) men fransııalyq Fıona Ferrodan (58 raketka) basym túsken jerlesimiz shırek fınalda taǵy bir fransýz oıynshysy Osean Dodennen (159 raketka) aılasyn asyrǵan edi.
Jartylaı fınaldyq saısta Elena Rybakına Grekııanyń ókili, WTA reıtınginde 21 orynda turǵan Marııa Sakarrımen sheberlik baıqasty. 1 saǵat 57 mınýtqa sozylǵan bul báseke 3:6, 7:5, 6:1 esebimen otandasymyzdyń paıdasynan sheshildi.
Osy jeńisiniń arqasynda 20 jastaǵy otandasymyzdyń álemdik reıtıngte 19 orynǵa kóteriletini anyq. Bul – Qazaqstan tennısi tarıhyndaǵy eń joǵary kórsetkish bolatyny daýsyz. Buǵan deıingi eń úzdik nátıjesimiz – 25 oryn edi. Bul kórsetkshike 2012 jyly Iаroslava Shvedova jáne bıyl Elena Rybakına qol jetkizdi.