2020 jylǵy 14 aqpanda Ulttyq qaýipsizdik komıtetiniń jedel-izdestirý is-sharalaryn uıymdastyrý nátıjesinde Almaty qalasynda destrýktıvti dinı aǵymnyń 2 ustanýshysyn ustaldy. Qazir olar sot sanksııasymen qamaýǵa alyndy. Bul týraly UQK baspasóz qyzmeti habarlady.
Olardyń mekenjaılary boıynsha tergeý is-qımyldaryn júrgizý barysynda qoldan jasalǵan jarylǵysh qurylǵy, ony jasaýǵa arnalǵan quramdas bólikter, sýyq qarý, shabýyldaý kózdelgen obektilerdiń foto jáne beıne túsirilimderi bar smartfondar alyndy.
Kórsetilgen adamdarǵa qatysty terrorızm aktisine daıyndalý (QR QK 255-baby) jáne terrorızmdi nasıhattaý (QR QK 256-baby) faktileri boıynsha qylmystyq ister qozǵaldy.
Tergeý materıaldary boıynsha, qamaýǵa alynǵan adamdar respýblıka aýmaǵynda, sonyń ishinde adamdar kóp shoǵyrlanǵan oryndarda terrorıstik aktiler daıyndaǵan.
Tergeý jalǵasýda.