О́tken jyly Prezıdent Qasym-Jomart Toqaev «Jastar jylynyń» jalǵasy retinde «2020 - Volonterlar jyly» dep jarııalaǵan bolatyn. Osy baǵytta Shymkent qalasyna qarasty Ál-Farabı aýdany ákimi apparatynyń uıymdastyrýymen M.Áýezov atyndaǵy OQMÝ ǵımaratynda aýdannyń belsendi, erikti jastarynyń qatysýymen forým ótti.
Erkin formattaǵy kezdesýge Ál-Farabı aýdanynyń ákimi Ǵabıt Máýlenqulov arnaıy qatysty. Ǵabıt Patshahanuly eriktilerdiń qatysýymen jáne atsalysýymen ótetin áleýmettik, mádenı sharalar jáne qalamyzdaǵy tazalyq aksııasy týraly aıtyp berdi. Sonymen qatar bıyl Shymkent qalasy TMD elderiniń mádenı astanasy, Abaı Qunanbaıulynyń 175 jyldyǵy jáne Ábý Nasyr Ál-Farabıdiń 1150 jyldyǵy aıasynda aýdan kóleminde erikti jastarmen birlese atqarylatyn jumys josparlary týraly oıymen bólisti.
Kezdesý aıasynda aýdan ákimi memleket basshysynyń qoldaýymen jastarǵa memleket tarapynan árdaıym qoldaý kórsetilip keletindigin atap ótti. Sondaı-aq jastar saıasatyn qoldaýǵa baǵyttalǵan memlekettik baǵdarlamalarǵa toqtaldy.
Jıynǵa qatysýshy jastar kókeılerinde júrgen saýaldaryn qoıyp, aýdan basshysymen erkin túrde pikir almasyp, usynystaryn jetkizdi.
Aýdan basshysy jastardyń aıtqan usynystaryn negizge ala otyryp, memleket basshysynyń alǵa qoıǵan maqsattaryna qol jetkizý úshin alǵan bilimderi men kúsh-jigerlerin týǵan qalamyzdyń ósip-órkendeýi jolynda jumsaýlaryna tilektestigin bildirdi.
Shymkent