22 aqpanda elordada jyl saıynǵy «Burqasyn – 2020» XX mereıtoılyq qysqy festıvali ótedi. Bul týraly Nur-Sultan qalasy ákimdiginiń baspasóz qyzmeti habarlady.
Is-shara sporttyń 8 túri boıynsha uıymdastyrylady: Shańǵy jarysy, gir tasyn kóterý, qol kúresi, shaıbaly hokkeı, belbeý kúresi, qysqy shaǵyn fýtbol, arqan tartys jáne motosport.
Uıymdastyrýshylardyń aıtýynsha, ár toptaǵy jeńimpazdar dıstansııany baǵyndyrýǵa jumsalǵan eń az ýaqyt boıynsha anyqtalady.
Jarys nátıjesi boıynsha 1, 2, 3-oryn alǵan júldegerler dıplom, medal jáne baǵaly syılyqtarmen marapattalady. Jarysqa qatysýǵa densaýlyǵy boıynsha qarsy kórsetilimderi joq barlyq adamdar jiberiledi. Tirkeýden ótý kezinde jeke basyn kýálandyratyn qujat qajet.
Sonymen qatar jarysqa qatysýshylardyń jeke sporttyq qural-jabdyqtary bolýy tıis. Bolmaǵan jaǵdaıda aýmaqta shańǵylardy jalǵa berý oryndary jumys isteıdi, biraq olardyń sany shekteýli. Festıval saǵat 11:00-de shańǵy trassasynda (Astana Park Hotel) bastalady.