Kúni keshe ǵana О́zbekstannyń bas shahary – Tashkentte jasóspirimder men jastar arasynda ótken Azııa birinshiliginde Qazaqstan quramasy 14 (9 altyn+2 kúmis+3 qola) júlde alyp, óz jankúıerlerin qýantty.
Aıtýly jarystyń qorytyndysy boıynsha 16 jastaǵy qazaqstandyq jas sportshy Rahat Bekbolat Azııanyń eń úzdik aýyr atleti atanyp, oǵan arnaıy syılyq tabys etildi.
Rasynda da 102 kılo salmaq dárejesinde óner kórsetken Syr boıy saıypqyranynyń tabysyna tańdanbaý múmkin emes. Sary qurlyqtyń eń myqty degen jas órenderi bas qosqan jarysta ol ózi quryptas jasóspirimder arasynda ǵana top jaryp qoımaı, jastar býyny arasyndaǵy dodada da daralandy. Iаǵnı, ózinen úsh-tórt jas úlken sportshylarǵa san soqtyrdy.
Nátıjesinde Rahat qossaıystyń qorytyndysynda 356 (158+198) kılo salmaqty eńserip, qos altyn medaldi ıelendi. Sonymen qatar, qazaqtyń uly joǵaryda aıtylǵan jas erekshelikteri boıynsha álemdik rekordty jańartty. Qutty, bolsyn, Rahat!