Aqtaýlyq ofıser «Batys» óńirlik qolbasshylyǵynyń Qazaq kuresi-nen chempıony jáne «Batys barysy» ataǵynyń ıegeri atandy. Bul týraly «Batys» óńirlik qolbasshylyǵy baspasóz qyzmetinen kapıtan R.Igısınov habarlady.
Qazaq kuresi qazaqtardyń eń kóne sport túrleriniń biri. Qazirgi ýaqytta bul jekpe-jek túri boıynsha álemniń kóptegen elderinde Federasııalar ashylyp, túrli jarystar uıymdastyrylýda. Aqtaý qalasynda ótken «Batys barysy» jarysyna Aqtóbe, Aqtaý jáne Atyraý garnızondarynyń 50-ge jýyq áskerı qyzmetshileri qatysty. Palýandar eki salmaq dárejesinde - 80 kg-ǵa deıin jáne 80 kg joǵary salmaqta baq synasty.
Barlyq beldesýler teń dárejede ótti. Palýandar túrli ádis-aıla tehnıkalaryn kórsete bildi. Jarys nátıjesi boıynsha Aqtaý garnızonynyń ókili, aǵa leıtenant Nurbolat Saýrbaev «Batys Barysy» ataǵynyń ıegeri atandy.
Komandalyq esepte birinshi oryndy 75488 áskerı bólimi, ekinshi oryndy – 29011 áskerı bólimi, al úshinshi oryndy 25744 áskerı bólimi ıelendi. Barlyq áskerı bólimder Aqtaý qalasynda ornalasqan.
Jyl saıyn áskerı bólimderde osy sport túrimen shuǵyldanýǵa, onyń ishinde áskerı bólimderge qarasty áskerı-patrıottyq úıirmelerde aınalysatyn áskerı qyzmetshilerdiń balalary úshin jaqsy jaǵdaılar jasalýda. Sondyqtan, keleshekte jarystyń aýqymdylyǵy men sapasy arta túsedi degen oıdamyn, deıdi «Batys» óńirlik qolbasshylyǵynyń dene shynyqtyrý jáne sport qyzmetiniń bastyǵy maıor Medet Qulybekov.
Bıylǵy jarystarynyń jeńimpazdary aǵymdaǵy jyldyń 12-14 naýryz aralyǵynda Almatyda AOSK oqý ortalyǵynda ótetin Qarýly Kúshterdiń Qazaq kuresi chempıonatyna qatysady.
Mańǵystaý oblysy