Mańǵystaý oblysy Polısııa departamenti Esirtki qylmysyna qarsy is-qımyl basqarmasy qyzmetkerleriniń uıymdastyrýymen oblys aýmaǵynda 2020 jyldyń 10 naýryzynan bastap «Dármek» jedel-profılaktıkalyq is-sharasy ótýde. Shara maqsaty respýblıka aýmaǵynda esirtki quraldaryn ótkizý derekterin anyqtaýdyń jáne jolyn kesýdiń tıimdiligin arttyrý. Bul týraly Mańǵystaý oblystyq Polısııa departamenti baspasóz qyzmeti habarlady.
Máselen bıyl 8 naýryz kúni saǵat 21:30 shamasynda Munaıly aýdany Batyr aýyldyq okrýgi, «Bolashaq» shaǵynaýdanyndaǵy kóshe turǵynynan tintý kezinde, kıiminen oń qaltasynan aq tústi qaǵazǵa oralǵan zatty ózindik tán ıisi bar, ósimdik tárizdes zat anyqtalyp, aıǵaq zat retinde alyndy. Saraptama korytyndysyna sáıkes marıhýana esirtki zaty ekenin anyqtaldy. Salmaǵy – 0,85 gramm. Atalǵan derek boıynsha sotqa deıingi tergeý amaldary júrgizilýde.
Dál osyndaı derek Mańǵystaý aýyly turǵynynyń qaltasynan tintý kezinde 5 dana temekizat anyqtalyp, aıǵaq zat retinde alyndy. Saraptama korytyndysyna sáıkes marıhýana esirtki zaty ekeni anyqtaldy. Salmaǵy 1,25 gramm. Atalǵan derek boıynsha sotqa deıingi tergeý amaldary júrgizilýde.
Sonymen qatar, Mańǵystaý oblysy Polısııa departamenti Esirtki qylmysyna qarsy is-qımyl basqarmasynyń qyzmetkerleri 09.03.2020 jyly saǵat 12:30 shamasynda Aqtaý qalasy «Prıozernyı» eldi mekeninde «Uljan» aıaldamasynyń artynda ornalasqan dárihanada dárigerdiń reseptisiz «Tramadol» dárisi satylǵany anyqtalǵan. Derek tirkelip, qazirgi ýaqytta QR ÁQBtK-niń 426-baby «Farmasevtıkalyq qyzmettiń jáne dárilik zattar men medısınalyq buıymdardyń aınalysy salasynyń qaǵıdalaryn buzý» boıynsha tártip buzýshyny ákimshilik jaýapkershilikke tartý máselesi qarastyrylýda.
Mańǵystaý oblysy