QOS QALA TО́RINE AZIADA AIаŃDAP KELE JATYR

Keshe bir ýaqytta  eki qalada –  Astana men  Almatyda 2011 jylǵy VII Qysqy Azııa oıyndarynyń bastalýyna qansha kún qalǵandyǵyn kórsetetin keri esepteý tablosy iske qosyldy.  Astanadaǵy rásimge  Týrızm jáne sport vıse-mınıstri  Talǵat  Ermegııaev,   Astana ákimi  Imanǵalı  Tasmaǵambetov,  AOK (QHR) vıse-prezıdenti Veı Djıjong, AOK (Shrı-Lanka) mádenıet jáne bilim komıtetiniń tóraǵasy Hemasırı Fernando,  Vankýverdegi Qysqy olımpııa  oıyndarynyń kúmis júldegeri Elena Hrýstaleva jáne ózge de belgili sport qaıratkerleri qatysty. Tablonyń ashylý saltanaty AOK-qa múshe elder týlaryn kótergen sherýmen bastaldy. Osydan keıin sóz alǵan elorda ákimi Imanǵalı Tasmaǵambetov “Keler jyly elimizde jalaýy kóterilgeli otyrǵan VII Qysqy Azııa oıyndary dushpandy dos, dosty týys etetin doda bolmaq. Búgingi sporttyq mereke barshamyzǵa qutty bolsyn”, – dep jıylǵan jurtty quttyqtasa, Týrızm jáne sport vıse-mınıstri Talǵat Ermegııaev atalǵan dodanyń mańyzdylyǵyna toqtalyp, dúbirli saıysta elimiz sańlaqtary oljany molynan salatyndyǵyna úmitti ekendigin jetkizdi. Azııa oıyndarynyń qalyptasqan dástúri boıynsha bir ýaqytta iri sporttyq forýmdardyń mindetti atrıbýty bolyp tabylatyn tablo iske qosyldy. Bul –  Azıadanyń pıar-naýqanynyń sheńberinde josparlanǵan birden-bir shara. Tablo Almatyda áıelder arasynda shaıbaly hokkeıden jarys ótetin Abaı dańǵyly men Baıtursynov kóshesiniń qıylysyndaǵy Balýan Sholaq atyndaǵy sport  saraıynyń aldynda, al Astanada keri esepteý saǵaty “Astana-Arena” jańa fýtbol stadıonynyń aldynda orna­las­qan. Munda oıyndardyń resmı sal­ta­natty ashylýy ótedi. Oıyndar aıaq­talǵannan keıin de tablony saqtaý jos­parlanyp otyr. Bul Qazaqstanda ha­lyqaralyq dárejedegi tuńǵysh ret ótken iri sporttyq forým – Aq Azıada týraly estelik bolyp qalmaq. Munymen qosa, Astanadaǵy salynyp jatqan álemdik klastaǵy sporttyq ınfraqurylymynyń sımvoly bolmaq. Esterińizge sala keteıik, jańa fýtbol arenasynyń janynda konkı tebý stadıony, respýblıkalyq velotrek bar. Onda da 2011 jylǵy VII Qysqy Azııa oıyndarynyń jarystary ótedi. Keri esepteý tablosy  krıstall tá­rizdes Azıadanyń fırmalyq dızaınynyń materıalynan jasalǵan. Al Qysqy Azııa oıyndaryna arnalǵan nysan kom­po­zı­sııasy tasty jaryp shyqqan taý gúli tektes, ıaǵnı aıtýly oqıǵany, beınebir ǵajap kórinisti bildiredi. Azıada ótetin respýblıkanyń eki bas qalasynda – Astana men Almatyda qur­lyqtyń menmin degen saıypqyran sportshylary óz baqtaryn synaıdy. Atalǵan dodanyń ótetin ýaqyty 2011 jylǵy 30 qańtar men 6 aqpan aralyǵy. Azıa­dada 11 sport túrinen 69 medal jıyntyǵy sarapqa salynady. Búgin Azıadanyń bastalýyna 305 kún qaldy... Ábdirahman QYDYRBEK, Astana. *** Bul kúnderi Almatydaǵy “Interkontınental” qonaqúıinde VII Qysqy Azııa oıyndarynyń Chefs de Mission semınary ótip jatyr. Aty aıtyp turǵandaı, naýryzdyń 29-31 aralyǵyndaǵy bul asa iri basqosýǵa Azııa Olımpıadalyq keńesi komıtetteriniń jetekshileri men osy keńestiń quramyna kiretin 45 el Ulttyq olımpıada komıtetteriniń jáne basqa da tıisti uıymdardyń ókilderi qatysýda. Sondaı-aq, keshe Almaty men Astana qalalarynda qatarynan “Keri sanaý tablosynyń ashylýy”  saltanaty  bolyp ótti. Chefs de Mission semınary – Azııalyq jáne Olımpııalyq oıyn­dary bastalǵanǵa deıin mindetti túrde bolatyn basqosý. Mundaı shara barysynda Oıyndardy uıym­dastyrý komıteti oǵan qatysýshy memleketter aldynda  qystyq bol­syn, jazdyq bolsyn, Olım­pııalyq jáne Azııalyq oıyn­daryna daıyndyq barysy jóninde jan-jaqty esep beredi. Mundaı esep berýler sporttyq nysan­dardyń qurylysy qalaı júrip jatqanyn, sport­shylardy qonaqúı­lerge ornalas­tyrýdyń jón-josy­ǵyn, logıs­tıkany, volonterlyq qozǵalys­tardy, qysqasy, bárin-bárin qamtıdy. “Dál qazirgi kezeńde bizder Oıyndarǵa daıyndyq barysy boıynsha kózdegen maqsattarymyzǵa jyljyp kele jatyr­myz. Jáne biz úshin semınar kezinde or­taǵa salynatyn delegattardyń usynys-pi­kirlerine den qoıý óte mańyzdy. О́z ke­zeginde, semınarǵa qatysýshylar elderine oralǵan soń osynda alǵan aqparattaryn taratatyn bolady”, deıdi “2011 jylǵy VII qysqy Azııa oıyndaryn uıymdastyrý komıtetiniń atqarýshy dıreksııasy” AQ vıse-prezıdenti Serik Qulmyrzaev. Sonymen Almatyda toǵysqan Azııa Olımpıadalyq Keńesiniń basshylary bul kúnderi keler jyly ótetin qysqy Azııa oıyndaryna daıyndyq barysynyń barlyq baǵytyn jan-jaqty talqylaý ústinde. Onyń ishinde jarystar ótetin nysandar, dopıngke qarsy erejeler, qa­ýip­sizdik sharalary, bıletterdi satý stra­te­gııasy, marketıng, eriktilerdiń ju­mystaryn úılestirý tııanaqty oı­las­tyrylyp jatyr. Sondaı-aq, semınarǵa qatysýshylar barlyq sporttyq ke­shenderdi de aralap kórýde. Bul basqosýdyń taǵy bir basty oqıǵasy – “Keri sanaý tablosyn ashý” resmı saltanaty. Keshe bul shara da eki birdeı qalada bar sán-saltanatymen bastaldy. Endigi jerde, Astana men Almaty qalalaryndaǵy úlken tablo Aq Azıadanyń bastalýyna qansha táýlik qalǵanyn sát saıyn qazaqstandyqtardyń esine salyp, aıtýly kúnderdiń aıańdap kele jatqanyn bildirip otyratyn bolady. Almatydaǵy joǵarydaǵy elektrondy alyp kórsetkish saǵat respýblıkalyq Balýan Sholaq sport saraıynyń aldyna ornatylyp ashyldy. Reti kelip turǵanda, bul sporttyq dodada 69 júlde jıyntyǵy sarapqa salynǵaly turǵanyn eske sala ketelik. Aldyn ala jasalynyp jatqan boljamdar boıynsha, 2011 jylǵy Qysqy oıyndarǵa 30-dan astam Azııa elderiniń sport­shylary qatysady dep kútilýde. Sondaı-aq, keshe  Chefs de Mission semınary kezinde jýrnalıster úshin alǵashqy baspasóz brıfıngi de bolyp ótti. Azııa Olımpıadalyq keńesiniń ómirlik Qurmetti vıse-prezıdenti Veı Djıjong, Azııa Olımpıadalyq keńesiniń arnaýly ókili Haıder Farman, “2011 jylǵy VII qysqy Azııa oıyndaryn uıymdastyrý komıtetiniń atqarýshy dıreksııasy” AQ prezıdenti Anatóli Qulnazarov jýr­nalısterge alǵashqy suhbattaryn berdi. Spıkerlerdiń málimdeýinshe, alda Qazaqstanda ótetin qysqy Azııa oıyn­da­ryna daıyndyq barysy semınarǵa qa­tysýshylardyń kóńilinen shyqqan. Qysqa brıfıng kezinde áriptesterimiz barlyq saýaldarǵa uǵynyqty jaýaptar alyp úlgerdi. Veı Djıjong myrza Olım­pıada alaýynyń estafetasynan bastap, medısınalyq qyzmet kórsetý, sheteldik bu­qaralyq aqparat quraldaryn ak­kre­dıtasııalaý,  jedel aqparat taratý, televızııa arqyly jarysty tikeleı tran­slıa­sııalaý, tehnıkalyq túıtkilderdi boldyrmaý syndy jáne mádenı shara­lardy qalaı ótkizý máseleleri egjeı-tegjeıli talqylanyp jatqanyn resmı túrde málimdedi. – Dál qazirgi sátte Qazaqstannyń Azııa oıyndaryna daıyndyq barysy óte jaqsy ekendigin málimdegim keledi. О́ıtkeni, mundaǵy  “AWAGOC 2011” dep ata­latyn uıymdastyrý komıteti da­ıyndyq jumystaryn jan-jaqty júrgizip jatyr jáne ol Azııa Olımpıadalyq keńesiniń barlyq talaptaryna jaýap beredi. Men aldaǵy qysqy Olımpıadanyń sátti ótetinine senemin! Eń bastysy – memleket basshylyǵy bul iske úlken qoldaý kórsetip otyr, – dedi Veı Djıjong myrza. – Azıada da is júzinde Olımpıadalyq oıyndar sekildi.  Onyń aýqymyn myqty uıymdastyrý jumystary men me­ned­j­ment ulǵaıta alady. Men alda kele jatqan Azıada oıyndarynda qazaq­standyq sport tarıhynda jarqyn joldar bolyp jazylatyn álemdik rekordtar jasalynatynyna senimdimin, – dep atap ótti AOK ókili Haıder Farman. Aınash ESALI,  Almaty.