Bul týraly coronavirus2020.kz saıtynda jazyldy. Almaty oblystyq polısııa departamentiniń baspasóz qyzmeti muǵalimniń Qaınazar aýyly men Uzynaǵash aýylynda eki adamnyń qaýipti vırýsty juqtyrǵany jóninde aýdıojazba taratqanyn habarlaǵan.
WhatsApp jelisi arqyly jergilikti turǵyndarǵa feık aqparatty joldaǵan R. esimdi áıel Jambyl aýdany Úmbetaly aýylynyń 31 jastaǵy turǵyny ekendigi jáne jergilikti mektepterdiń birinde qazaq tili men ádebıeti pániniń muǵalimi bolyp jumys isteıtini belgili bolǵan. Ustalǵan muǵalim koronavırýs týraly jalǵan aqparatty oılanbaı taratqanyn tolyǵymen moıyndady.
Osyǵan oraı Qylmystyq kodekstiń 274-baby 4-bóligi boıynsha sotqa deıingi tergeý amaldary júrgizilip jatyr. Ol 3-ten 7 jylǵa deıingi merzimge bas bostandyǵynan aıyrylýy múmkin.