2020 jylǵy 1 sáýir saǵat 00:00 - den bastap Nur-Sultan qalasyna barlyq halyqaralyq turaqty jáne evakýasııalyq jolaýshylar avıareısteriniń kelýi toqtatylatyn bolady. Bul týraly Kóliktegi bas memlekettik sanıtarlyq dáriger Sádýaqas Baıǵabylovtyń qaýlysynda aıtylǵan.
«2020 jylǵy 1 sáýir saǵat 00.00-den bastap barlyq halyqaralyq turaqty jáne evakýasııalyq jolaýshylar avıareısteriniń Nur – Sultan halyqaralyq áýejaıy men Almaty halyqaralyq áýejaıyna ushyp kelýi erekshe ókimge deıin toqtatylsyn», - delingen qaýlyda. Halyqaralyq jolaýshy áýe reısteri 2020 jyldyń 1 sáýirinen bastap Qazaqstannyń basqa qalalaryna baǵyttalady.
Bul sharalar koronavırýs ınfeksııasynyń taralýyna jol bermeý úshin engiziledi.