Nur-Sultanda 31 naýryzdan bastap karantın rejımin buzǵandardyń kólikterin aıyppul turaǵyna alyp ketedi. Qosymsha 4 aıyppul turaǵy ashyldy. Polısııa qyzmetkerleri baqylaýdy kúsheıtti. Olar táýlik boıy qalada kezekshilik jumystaryn atqarylyp jatyr. Mobıldi toptar, jaıaý narıadtar jumyldyryldy. О́tkizý-baqylaý beketterindegi jaǵdaıdy dron arqyly qadaǵalap jatyr.
28 jáne 29 naýryzda kóshege sebepsiz shyqqany úshin 200-ge jýyq turǵyn polısııaǵa jetkizildi: 77 adamǵa aıyppul salyndy, isterdiń bir bóligi sotqa jiberildi. Jalpy 22-29 naýryz aralyǵynda TJ rejımin buzǵany úshin ákimshilik jaýapkershilikke 300-den astam azamat tartyldy, onyń 75-i qamaýǵa alyndy. 200-ge jýyq adamǵa aıyppul salyndy. 2000-ǵa jýyq turǵynmen profılaktıkalyq áńgime júrgizildi.
Erteńnen bastap sharalar kúsheıtiledi. Jumys ornynan anyqtama nemese úıden shyǵýǵa naqty sebep bolmaǵan jaǵdaıda tártipbuzýshylardyń mashınalary aıyppul turaǵyna jiberiledi. Turǵyndarǵa úıden tek jaqyn mańdaǵy azyq-túlik dúkenderine, dárihanalarǵa, sondaı-aq medısınalyq qyzmet alýǵa jáne qyzmetine ruqsat etilgen jaǵdaıda jumysqa shyǵýǵa ruqsat.
Elordalyq polıseıler tártipbuzýshylar bazasyn tolyqtyrmaýǵa shaqyrady, «ózińizge jáne jaqyndaryńyzǵa qaýip tóndirmeńiz, koronavırýs ınfeksııasynyń taralýyn aldyn-alý qajet. О́zińizdiń jáne bizdiń ýaqytymyzdy beker jumsamańyz - karantın erejelerin saqtaý qajet».