Bas sanıtarlyq dáriger Aıjan Esmaǵambetova Qazaqstanda koronavırýs ınfeksııasynyń taralýynyń aldyn alý maqsatynda engizilgen qaýlyǵa baılanysty túsinikteme berdi.
«Qaýly boıynsha memlekettik shekaradaǵy blok-beketterde sanıtarlyq karantındik baqylaý basty nazarda. Ásirese el ishindegi indetke qarsy sharalar kúsheıtiledi. Qaýlyǵa sáıkes elimizge shetelden kelgender 3 kún boıy laboratorııalyq zertteýler júrgizý úshin oqshaýlanady. Eger qan taldamalary teris nátıje kórsetse, onda olar 14 kúnge úı karantınine jiberiledi. Al vırýs anyqtalǵan jaǵdaıda olar ınfeksııalyq stasıonarlarǵa jatqyzylady», dedi Aıjan Esmaǵambetova.
Onyń aıtýynsha, sońǵy táýlikte elimizde tirkelgen 369 naýqastyń 91-i shetelden kelgender. Al qalǵan anyqtalǵan naýqastar indet juqtyrǵandarmen baılanysta bolǵan adamdar.