Tabıǵat-ananyń tosyn mineziniń kórshi jatqan eldiń shat-shálekeıin shyǵaryp, birneshe aımaqty tasqyn sýdyń astynda qaldyrǵany málim. О́z elimizde de jaz boıy ásheıinde jańbyr sırek jaýatyn óńirlerdiń ózinde kún qurǵatpaı nóserletti. Tek tamyzdyń orta sheninen asqanda ǵana kókten kún kúlip, zeńgir aspan bulttan tazaryp, qol-aıaq jazylyp qalyp edi...
Tabıǵat-ananyń tosyn mineziniń kórshi jatqan eldiń shat-shálekeıin shyǵaryp, birneshe aımaqty tasqyn sýdyń astynda qaldyrǵany málim. О́z elimizde de jaz boıy ásheıinde jańbyr sırek jaýatyn óńirlerdiń ózinde kún qurǵatpaı nóserletti. Tek tamyzdyń orta sheninen asqanda ǵana kókten kún kúlip, zeńgir aspan bulttan tazaryp, qol-aıaq jazylyp qalyp edi...
Keshe tańerteńgilik qaltafondar «yz-yz» etip, qatty jel turatyndyǵy jaıly habarlamalar kelip túsken. Aspan qabaǵyn túıip, aǵashtar jelmen shaıqalyp, kún raıy kúrt buzyldy.
Ile «Qazgıdromet» ortalyǵyna habarlasyp edik, ondaǵylar elimizdiń soltústik aımaqtarynda teriskeıden ótken sıklon áserinen kúnniń kúrt sýytqanyn, búgin, 30 tamyz kúni de soltústik-batystan soqqan jeldiń jyldamdyǵy sekýndyna 7-12, keı jerlerde 15-18 metrge jetetinin, mereke kúni Astanada túnde jáne tańerteńgilik tuman túsip, kúndiz kúndi kireýkelegen bult basatynyn aıtty. Tamyzdyń 31-inen kún raıy azdap jumsaryp, synap baǵanasy túnde 6-8, kúndiz 13-15 gradýs jylylyqty kórsetedi eken.
Qyrkúıek aıy dıqan qaýymy úshin qolaıly bolatyndaı. Jaýynsyz, berekeli sary kúz kelip, aýanyń temperatýrasy kúndiz 20 gradýstyń arǵy-bergi jaǵyndaǵy jylylyqta ornap, ıaǵnı jıyn-teringe qolbaılaý jasamaıtyndaı. Alaıda, kúz kelgenin bildirip, tún balasy salqyn bolady, deıdi sınoptıkter.
Anar TО́LEÝHANQYZY,
«Egemen Qazaqstan».
ASTANA.