Aqjaıyq aýdanyndaǵy Taıpaq orman jáne janýarlardy qorǵaý jónindegi memlekettik mekemesinde toǵaıdy sanıtarlyq tazartý jóninde erekshe eki kún ótti. «Erekshe» dep otyrǵanymyz, qurǵap-keýip turǵan, qulaǵan aǵashtardan toǵaıdy aryltýǵa basqa aýdandardaǵy áriptester – Aqjaıyq, Bórli, Chapaev, Oral, Iаnvarseva orman sharýashylyqtarynan 46 adam kúsh-quraldarymen jetip, kómek kórsetti. Mundaı kómek atalǵan mekemeniń ómirinde birinshi ret bolyp otyr. Aıta keteıik, bul is aýdan ákimi N.Tóreǵalıev pen oblystyq tabıǵı resýrstardy jáne tabıǵat paıdalanýdy retteý jónindegi basqarmanyń basshysy A.Dáýletjanovtyń bastamasymen júzege asty. Sonymen qatar, byltyrdan bastap daǵdyǵa engendeı, aýdannyń Taıpaq, Sarytoǵaı, Bazartóbe, Bazarsholan, Qaraýyltóbe aýyldarynan osy eki kúnde ormanda 350 turǵyn, eńbek ujymdarynyń ókilderi atalǵan ispen aınalysty. 1500 tekshe metr qýraǵan, qulaǵan aǵashtar, qaldyq-qoqystar jınaldy.
Bolat ESQALIEV.
Batys Qazaqstan oblysy,
Aqjaıyq aýdany.
______________________
Sýretti túsirgen
Nurbek IHSAN.