Jaqynda Nazarbaev Ýnıversıteti men Intel korporasııasy arasynda yntymaqtastyq týraly memorandýmǵa qol qoıyldy. Qujatqa Nazarbaev Ýnıversıtetiniń prezıdenti Shıgeo Katsý myrza men Intel korporasııasynyń Qazaqstan, Ortalyq Azııa jáne Zakavkaze elderiniń aımaqtyq dırektory Dmıtrıı Kısel qol qoıdy.
Jaqynda Nazarbaev Ýnıversıteti men Intel korporasııasy arasynda yntymaqtastyq týraly memorandýmǵa qol qoıyldy. Qujatqa Nazarbaev Ýnıversıtetiniń prezıdenti Shıgeo Katsý myrza men Intel korporasııasynyń Qazaqstan, Ortalyq Azııa jáne Zakavkaze elderiniń aımaqtyq dırektory Dmıtrıı Kısel qol qoıdy.
«Búgin Nazarbaev Ýnıversıteti tobynyń kezekti qatysýshy jáne jańa seriktes – Intel jahandyq kompanııasymen tolyqqanyn qýana habarlaımyn. Bul áriptestiktiń aıasynda bizdiń stýdentterimizge, oqytýshylarymyz ben ǵalymdarymyzǵa jańa múmkindikter ashylady dep senemin. Biz: «Intel endi bizde!» – dep maqtanyshpen aıta alamyz, – dep málimdedi Nazarbaev Ýnıversıtetiniń prezıdenti Shıgeo Katsý myrza.
Qol qoıylǵan kelisim aıasynda Nazarbaev Ýnıversıtetine apparattyq, baǵdarlamalyq jáne ádistemelik sheshimderdi qamtıtyn Intel® Education Solutions keshendi tásildemesin iske asyrý barysynda aqparattyq jáne tehnıkalyq qoldaý kórsetiledi dep kútilýde.
Qazaqstan, Ortalyq Azııa jáne Zakavkaze elderiniń Intel korporasııasynyń aımaqtyq dırektory Dmıtrıı Kısel: «Intel dúnıe júzi boıynsha bilim berý salasyndaǵy kóptegen baǵdarlamalarǵa qatysyp, qoldaý kórsetip keledi, bul kez kelgen mezette túrli jobalardyń sátti iske asyrylýynyń mysaldaryna júginýge múmkindik beredi. Nazarbaev Ýnıversıtetiniń ınnovasııalyq bilim berý ortasynyń damýynda korporasııa tájirıbesiniń qoldanys tapqanyna asa qýanyshtymyz jáne osy seriktestiktiń tabysty bolatynyna senimdimiz!» – dep atap ótti.
Bir aıta keterligi, Nazarbaev Ýnıversıteti men Intel-diń birlesken jobalary birinshi kezekte Nazarbayev University Research & Innovation System ortalyǵy men Nazarbaev Ýnıversıtetinde bilimdi, ǵylymdy, ınnovasııalar men ındýstrııany ıntegrasııalaý úderisinde negizgi kezeń bolyp tabylatyn, ınnovasııalyq-zııatkerlik klasterdiń bir bóligi retinde damyp kele jatqan ýnıversıtettiń ǵylymı parkiniń bazasynda júzege asyrylatyn bolady.
«Egemen-aqparat».