Bilim jáne ǵylym mınıstri Ashat Aımaǵambetov búgin tórtinshi toqsan bastalyp, qashyqtan oqý formaty tolyq qosylǵanyn aıtty.
«Elimizde oqýshylar úshin tórtinshi toqsan bastaldy. Bul toqsan óte erekshe. Sebebi, qashyqtan oqytý formaty boıynsha alǵash ret oqýdy bastap otyrmyz. Qysqa merzim ishinde daıyndyqty júrgizgen bolatynbyz. Bilim salasy úshin bul úlken emtıhan, emtıhan ǵana emes, úlken múmkindik dep aıtqym keledi. Osy tájirıbeden keıin bilim salasy ózgeretini aıdan anyq. Árıne, qysqa merzim ishinde ustazdar jańa quzyretter alyp, qashyqtan oqý formatyna beıimdeldi. Jalpy, úlken jumys júrgizildi» dedi A.Aımaǵambetov.
Sondaı-aq ol búgin 3.2 mln oqýshy oqýyn bastaǵanyn aıtty.
«Birinshi kúnniń negizgi qorytyndysyna toqtalǵym keledi. Ońaı bolmasa da, qashyqtan oqý formatyna tolyq kóship, bastadyq. 3.2 mln oqýshy ár-túrli baǵyt boıynsha oqýyn bastady. Olar ártúrli baǵyt boıynsha oqýyn bastady. Keıbiri ınternet jelisi boıynsha arnaıy daıyndalǵan ınternet baǵdarlamasynyń negizinde oqýyn bastasa. Basqa kóp oqýshylar teledıdar arqyly oqýlaryn bastap otyr» dedi ol.