Medısına qyzmetkerlerine syıaqy berile bastady

Mysaly, oblysta dárigerler úshin qorǵanysh kostıýmderin, maskalar men medısınalyq qolǵaptardy satyp alý jalǵasýda. Respýblıkalyq bıýdjetten koronavırýsqa qarsy kúreske atsalysatyn aq jeleńdi abzal jandarǵa qosymsha qarajat bólinip, búginde Qaraǵandy oblysynda 1677 dáriger men medbıke bir eńbekaqy kóleminde syıaqy aldy. Bul ıgi is aldaǵy ýaqytta da jalǵasyn tabady.

Bul týraly oblystaǵy epı­de­mıolo­gııalyq jaǵdaı jónindegi se­lek­tor­lyq rejimde ótken apparattyq keńes­te málim boldy. Jıynda oblys ákimi Jeńis Qasymbek 30 naýryzdan bas­tap óńirdiń bes qalasynda jeke shekteý sharalary qarastyrylǵan karantın engizilgenin habarlady.

– Qaraǵandy, Temirtaý, Abaı, Saran jáne Shahtınsk qalalarynyń aýmaǵynda osy eldi mekender halqynyń ómiri men qyzmeti úshin erekshe jaǵdaılar qarastyrylǵan karan­tın rejimi engi­­zil­di. Iаǵnı joǵa­ryda atalǵan qalalar biryńǵaı karan­tın­dik aımaq bolyp sanalady. Bul qala­lar­dyń turǵyndary kámeletke tolmaǵan balalardyń óz betinshe júrip-turýyna tyıym salý sııaqty shekteý sharalaryn saqtaýy qajet: 65 jastan asqan adam­darǵa dalaǵa shyqpaý, al jumys berý­shilerge jumys kúnin eki saǵatqa qys­qar­tý usynyldy, – dedi oblys ákimi.

Aldaǵy ýaqytta oblysqa 300 myń baılanyssyz termometr jetkizilmek. Sondaı-aq «Kómek-2020» oblystyq qo­ǵam­dyq qorynyń qarajaty esebinen 20 myń respırator satyp alynady.

Densaýlyq saqtaý basqarmasynyń basshysy Erjan Nurlybaev oblysqa 100 myń ekspress-test ákelingenin, ja­qyn arada oblys emhanalarynda koronavırýsty anyqtaý maqsatynda jedel testileý bastalatynyn aıtty. «Testileý klınıkalyq belgiler baı­qal­­ǵan jaǵdaıda ǵana júrgizilip, tegin jú­ze­ge asyrylady», dep atap ótti ol. Budan bólek, Reseıden 56 aspaly búrikkishter satyp alynǵan, qalǵan 170-i taıaý arada jet­kiziletin kórinedi.

Esterińizde bolsa, Qaraǵandyda koronavırýs ınfeksııasyn juqtyrǵan jeti adam emdelip jatyr. Dárigerlerdiń aıt­qanyna sensek, qazirgi ýaqytta olar­dyń jaǵ­daıyn qanaǵattanarlyq dep baǵa­laý­ǵa bolady.

Jalpy, oblysta barlyǵy 592 adam táýlik boıy dárigerlerdiń baqylaýyna alyn­ǵan, taǵy 514 adam úılerinde oqshaý­lanǵan.

Qaraǵandy oblysy