Zaýaldy birlik jeńedi

Bul – adam janynyń názik­tigin kórsetetin shaq, sonymen qatar halyqtyń densaýlyǵy men aman-saýlyǵyn alǵashqy oryn­ǵa qoıyp, ár adam ómiri­niń qundylyǵyn baǵalaýmen Úki­metimiz ben Densaýlyq saqtaý mınıstrliginiń qabyldap otyrǵan asa qajetti jáne tıimdi amal-tásil­deri. Osy qysyltaıań shaqta mem­leketimizdiń barsha kúsh-jigeri halyqtyń densaýlyǵyn saqtaý­ǵa baǵyttalyp otyrǵanyn den­saýlyq saqtaý salasynyń arda­geri retinde óte jaqsy túsinemin jáne joǵary baǵalaımyn.

 Búginde elimizdiń dárigerler qaýymynyń ókilderi ózderiniń «Densaýlyq saqtaý saqshylary» ataǵyna laıyqtyǵyn kórsetip, aldyńǵy shepte – aýrýhanalarda  kúndiz-túni janqııarlyqpen eńbek etýde. Osy azamattar men azamatshalardyń beıbit kúnde kórsetip otyrǵan erligi halyqtyń shynaıy alǵysyn ıelenýimen qatar memleket tarapynan da laıyqty baǵasyn alatyny sózsiz.

Búginde halyqtyń basym kóp­shiligi kúndelikti eńbekten qol úzýge májbúr bolyp otyr­ǵan syn saǵatynda Úkimet muq­taj jandarǵa járdemaqy ta­ǵa­ıyndap, túrli tólemderdiń merzimin uzartyp, t.b. asa qajetti qoldaý sharalaryn qabyldaýda. Elimizde bastalǵan «Biz birgemiz!» úndeýine isker azamattar, kásip­oryndar men mekemeler, túrli jeke uıymdar qosylyp, arnaıy qorǵa qarjy aýdarý arqy­ly nemese halyqqa azyq-túlik, qa­jetti zattar túrindegi jár­de­min kórsetýde. Qoǵamymyz osy yn­ty­maqty baǵytynan tanbaı, úreı­ge jol bermeýi qajet. Ár otba­synda jeke bastyń taza­lyǵy men qaýipsizdiginiń ereje­leri múl­tiksiz oryndalýǵa tıis. Ásirese egde jastaǵy qarııa­larǵa bul kúnde qamqorlyq eselene túskeni jón. Sebebi olar qazir basty qaýip to­bynda. Qart­tarǵa jaqsylyq j­a­sap, qam­qorlyqqa bóleý biz­diń hal­qy­myzdyń tabıǵatyna tán qa­sıet ekeni burynnan belgili ǵoı. Ba­la­lardyń tárbıesine, qa­rııa­lardyń densaýlyǵyna, kóńil kúıine basym kóńil bólý arqy­ly qazirgi bos ýaqytty otba­sy­nyń uıytqysy retinde utymdy ja­ǵyna qaraı paıdalana bilgen jón.

Eldiń basyna tón­gen túrli qaterli zaýaldarda hal­qymyz  árdaıym birlik-berekesi, keń peıili arqyly jeńiske jetip otyrǵany aıqyn. Bul  joly da osylaı bolaryna senim artamyn. Laıym, elimiz aman bolsyn!

Tóregeldi ShARMANOV,

akademık