Tótenshe jaǵdaı kezinde naryqtyń úzdiksiz jumys isteýin qamtamasyz etý kerek. Osy rette Memleket basshysy eksporttyq baǵyttaǵy kompanııalardy qoldaýǵa tapsyrma berdi. Olar daǵdarystan keıingi kezeńde bizdiń lokomotıvimiz bolady.
Qazaqstan azyq-túlik qaýipsizdigin qamtamasyz etý maqsatynda EAEO elderi sııaqty mańyzdy azyq-túlik taýarlarynyń eksportyna tyıym saldy. Alaıda qalǵan taýarlar boıynsha eksportqa bóget joq.
Álemdik saýda ózgergen jáne dástúrli jabdyqtaý tizbegi buzylǵan tusta bizdiń óndirýshilerge jańa naryqtarǵa qol jetkizý múmkindigi týdy. Sonymen birge Saýda jáne ıntegrasııa mınıstrligi de kásipkerlerge barynsha kómek kórsetýde. Iаǵnı, qoldanystaǵy baǵyttar boıynsha logıstıkalyq (shekaralyq shekteýlerdi eskere otyryp) kómek kórsetý, sondaı-aq jańa naryqtardy ıgerý kózdelgen. Bizdiń eksporttyq taýarlardyń ózindik qunyn tómendetý úshin daıyn ónimdi tasymaldaý shyǵyndarynyń 50%-yna deıin óteledi.
Orta kompanııalardy qoldaý maqsatynda eksporttyq akselerasııa baǵdarlamasy iske qosyldy. Bul kásipkerlerge eksporttyq máselelerde konsýltasııa ǵana emes, álsiz jáne kúshti jaqtardy tereń taldaý, saraptamalyq baǵalaý jáne eksportqa shyqqanǵa deıin tolyq súıemeldeýdi tegin negizde alýǵa múmkindik beredi. Jalpy alǵanda, eksporttaýshylardy qoldaý saıasaty toqtaǵan joq.
Azamat ASQARULY,
Saýda jáne ıntegrasııa mınıstriniń orynbasary