Bul týraly Densaýlyq saqtaý mınıstri Eljan Birtanov Úkimet otyrysynda aıtty.
«Búgingi kúnde jalpy el boıynsha COVID-19 juqtyrǵan 1852 naýqas tirkeldi. Olardyń eń kóp sany Almaty qalasynda - 606, Nur-Sultanda - 368, Qyzylorda oblysynda - 149. О́tkende táýlik boıynsha 141 jańa naýqas tirkeldi. О́sim deńgeıi - 8,2 paıyz qurady», - dedi mınıstr Eljan Birtanov.
Onyń aıtýynsha, ótken táýlikte eń kóp naýqas Almaty men Shymkentte tirkelgen.
«Almatyda - 82 naýqas, Shymkentte - 23 naýqas tirkeldi. Almaty qalasy boıynsha 82 naýqastyń 78-i josparlanǵan skrınıng-testtiń negizinde anyqtaldy. Olardyń 60-y Ortalyq qalalyq klınıkalyq aýrýhananyń ishindegi naýqastar jáne medısınalyq qyzmetkerler. Shymkent qalasy boıynsha 23 naýqastyń 16-sy skrınıng boıynsha anyqtaldy. Olar - tótenshe jaǵdaı qyzmetiniń qyzmetkerleri. Qalǵany emdelip jatqan naýqastar men karantınde jatqan azamattar», - dedi mınıstr.
Sondaı-aq mınıstrdiń aıtýynsha, qazirgi ýaqytta 1386 naýqas emdelip jatyr, olardyń arasynda 100 bala bar. Jalpy ortasha jaǵdaı boıynsha - 258, nashar jaǵdaı boıynsha - 32, qalǵan 1096 naýqas jaǵdaıy - birqalypty.