Premer-Mınıstr Asqar Mamın Úkimet otyrysynda epıdemıologııalyq jaǵdaıdy eskere otyryp, karantındik rejımge ózgerister engiziletinin aıtty.
- 20 sáýirden bastap Nur-Sultan jáne Almaty qalalarynda karantındik rejım jeńildetildi. Sanıtarlyq normalardy qatań saqtaı otyryp, birqatar saladaǵy kásiporyn óz jumysyn bastady. Sonyń ishinde qurylys, ónerkásip jáne keıbir qyzmet kórsetý salalaryndaǵy kásiporyndar bar. Epıdemıologııalyq jaǵdaıdy eskere otyryp, karantındik rejımge ózgerister engizip jáne birtindep jeńildetý boıynsha tıisti sheshim qabyldanady, - dedi Asqar Mamın.
Úkimet basshysynyń aıtýynsha, ózge óńirlerdegi kásiporyndar da belgilengen sanıtarlyq-epıdemıologııalyq tártip qatań saqtalǵan jaǵdaıda jumysqa kirisetin bolady.
- Basqa da bıznes ókilderdiń jumys isteýine ruqsat beriledi. Mundaı jumys eldiń basqa da óńirlerinde júrgiziledi. Degenmen bul sanıtarlyq-epıdemıologııalyq qaýipsizdik qatań saqtalǵan jaǵdaıda ǵana múmkin bolady, - dedi ol.