Qala turǵyndary «Jastar tájirıbesi», «Qoǵamdyq jumystar» jáne «Áleýmettik jumys orny» baǵdarlamalaryna qatysa alady. Bul týraly Nur-Sultan qalasy ákimdiginiń baspasóz qyzmeti habarlady.
«Nur-Sultan qalasy ákimdiginiń halyqty jumyspen qamtý ortalyǵy jumys izdegen jáne jumyssyz mártebesi bar azamattarǵa jumyspen qamtýǵa járdemdesýdiń belsendi sharalaryna qatysýdy usynady. Baǵdarlamalar boıynsha bos oryndar tizimi ortalyqtyń http://cz.astana.kz/category/upolnomochennye-po-jetike/ resmı saıtynda qoljetimdi.
Qoǵamdyq jumystar – qyzmetkerdiń aldyn ala kásiptik daıarlaýdan ótýin talap etpeıtin, jumyspen qamtý ortalyǵy uıymdastyratyn eńbek qyzmetiniń túrleri. Uzaqtyǵy — 2020 jyldyń 31 jeltoqsanyna deıin. Eńbekaqysy 73 100 teńgeni quraıdy. Jumysqa ornalasý úshin 57-89-35, 8-775-654-07-90 telefon nómirlerine, nazym_13.06.92@mail.ru elektrondy poshtasyna habarlasý qajet. Jastar praktıkasy TjKB jáne joǵary oqý oryndary túlekteriniń mamandyq boıynsha bastapqy jumys tájirıbesin alýyna arnalǵan. Jumys izdeýshiniń jasy 29-dan aspaýy tıis. Praktıka uzaqtyǵy 6 aıdan aspaıdy. Eńbekaqysy 73 484 teńgeni quraıdy. Jumysqa ornalasý úshin myna telefondarǵa habarlasýǵa bolady: 72-93-56, 8-775-654-07-90; elektrondy poshta: proftest.cz@mail.ru . Áleýmettik jumys orny – jumys berýshi jumyspen qamtý ortalyǵymen sharttyq negizde jumyssyzdardyń jalaqysyn sýbsıdııalaı otyryp, jumysqa ornalastyrý úshin quratyn jumys orny. Jumys uzaqtyǵy – 2020 jylǵy 31 jeltoqsanǵa deıin. Jalaqyny jumys berýshi belgileıdi. Jumysqa ornalasý úshin myna telefondarǵa habarlasýǵa bolady: 72-93-56, 8-775-654-07-90; elektrondy poshta: proftest.cz@mail.ru. Azamattardyń qaýipsizdigin qamtamasyz etý jáne tikeleı baılanysty boldyrmaý maqsatynda elordanyń jumyspen qamtý ortalyǵynyń barlyq qyzmetteri eGov portaly, call-ortalyq, elektrondy poshta jáne baılanys qurylǵylary arqyly onlaın rejımde kórsetiledi. Karantın kezeńinde azamattarǵa onlaın-keńes berý úshin call-ortalyq operatorlarynyń sany artty. Nómirler www.cz.astana.kz resmı saıtynyń «Onlaın-keńes berý» bóliminde qoljetimdi», – delingen habarlamada.