Kúni keshe ÝEFA quramyna múshe elderdiń ókilderi, ÝEFA prezıdenti Aleksander Cheferın men bas hatshysy Teodor Teodorıdıs qatysýymen vıdeokonferensııa formatynda jıyn ótti.
Onlaın basqosýǵa Qazaqstan fýtbol federasııasynyń bas hatshysy Azamat Aıtqojın qatysty. Forýmǵa qatysýshylar COVID-19 indeti aıaqtalǵannan keıin eýropalyq fýtbol týrnırlerin ótkizýdiń ońtaıly sheshimderin izdegen eki jumys tobynyń nátıjelerimen tanysty.
Eń aldymen kásibı klýbtar men ulttyq quramalar arasynda ótetin resmı jarystar kúntizbesiniń ártúrli nusqalary qaraldy. Sonymen qatar maýsymdaǵy ulttyq joǵary dıvızıondar men ulttyq kýbok oıyndaryn aıaqtaýǵa keńes berildi. Joǵaryda atalǵan ishki chempıonattardyń oıyndary ótpegen jaǵdaıda, ulttyq qaýymdastyqtarǵa kómek kórsetý maqsatynda Eýrokýbok joldamalaryn bólý máselesi de retteledi.