Búgin, 21 qyrkúıek kúni tańerteń Shyǵys Qazaqstan oblysyndaǵy Semeı qalasynda Qazaq fýtbolynyń 100 jyldyǵyn toılaýǵa arnalǵan is-sharalar bastalyp ketti. Bul týraly Shyǵys Qazaqstan oblysynyń aqparat ortalyǵy habarlaıdy.
Keshe tańerteń arnaıy reıspen Almatydan Semeıge qurmetti qonaqtar, toıǵa qatysýshylar – «Dınamo» (Tbılısı, Grýzııa) jáne «Alǵa» (Bishkek, Qyrǵyzstan) komandalarynyń ardagerleri ushyp keldi. Ushaq jerge qonǵan boıda bergen brıfıngterinde ataqty fýtbolshylar jýrnalısterdiń kóptegen suraqtaryna jaýap berdi.
«Biz fýtboldyń áýesqoılary úshin úlken aýqymdaǵy toı bolyp tabylatyn osyndaı sharaǵa qatysatynymyz úshin óte rızamyz. Qazaqstan fýtbolynyń 100 jyldyǵy shyn máninde de úlken mereke. Osy jerde burynǵy keńes kezeńindegi áriptes-otandastarymyzdy kóretinimiz de qatty qýandyrady. Olarmen birge taǵy da fýtbol alańyna shyǵyp, ónerimizdi kórsetý bizder úshin ǵanıbet», - dedi «Alǵanyń» burynǵy dańqty qorǵaýshysy Iýsýp Mýsaev. Bul - kádimgi «Adamzattyń Aıtmatovy» atanǵan atanǵan ataqty qyrǵyz jazýshysy Shyńǵys Aıtmatovtyń bir maqalasynda aıtylyp ótetin burynǵy frýnzelik belgili fýtbolshy.
Búgin aýla komandalary arasyndaǵy «Bylǵary dop» týrnıriniń fınaldyq oıyny oınalady. Al qalanyń barlyq fýtbol alańdarynda «Fýtbol merekesi» atty týrnırd ótip jatyr. Olardaǵy qatysýshylardy múmkindikteri shekteýli balalar quraıdy. Búgin bul merekelik is-sharalar M.Áýezov atyndaǵy alańda tııanaqtalady. Oqyrman qaýym álemge áıgili jazýshymyzdyń kezinde Semeıdiń jastarynan quralǵan «Iаrysh» komandasynyń sapynda oınaǵanyn jaqsy biletin shyǵar degen oıdamyz.
Jalpy, Qazaqstan fýtbolynyń 100 jyldyǵyna arnalǵan mereke eki kúnge sozylady. Onyń búgin bastalǵan órkeni erteń de jelkenin keredi. Osy kúnderi ardager fýtbolshylardyń blıs-týrnıri bolyp ótedi. Oǵan «Spartak» (Semeı), «Alga» (Bishkek, Qyrǵyzstan), «Spartak» (Máskeý, Reseı), «Vostok» (О́skemen, Qazaqstan), «Qaırat» (Almaty, Qazaqstan), «Dınamo» (Kıev, Ýkraına), «Dınamo» (Tbılısı, Grýzııa), «Rýbın» (Qazan, Reseı) jáne «Spartak» (Semeı, Qazaqstan) komandalarynyń ardagerleri qatysýda.
Fýtbol juldyzdary jýrnalıstermen baspasóz máslıhatyn ótkizedi. Osy kezde qalanyń bir kóshesine «Qazaqstan fýtbolyna 100 jyl» degen at beriledi. Munda respýblıkalyq velosherýge qatysýshylar kelip at basyn tireıdi. Búgin sondaı-aq Shákárim atyndaǵy memlekettik ýnıversıtettiń bas korpýsynda merekege arnalǵan halyqaralyq ǵylymı-praktıkalyq konferensııa ótedi. Al keshki 18 saǵat 30 mınýtta «Spartak» stadıonyndafýtbol juldyzdary sherýimen merekeniń saltanatty ashylýy bolady. Ol teatrlandyrylǵan kóriniske jalǵasady. Sońynda «Dınamo» (Kıev) – «Dınamo» (Tbılısı) komandalary arasyndaǵy kezdesý qanat jaıady.
Erteń, jeksenbi kúni sport jarystary odan ári jalǵasyn tabady. Bul kúni «Mıllıondar kýbogy» atty respýblıkalyq fýtbol týrnıriniń, ardagerderdiń blıs-týrnıriniń fınaldyq oıyndary oınalady. Al densaýlyq kesheninde qazaq kúresinen Dáýlet Turlyhanov atyndaǵy halyqaralyq týrnır ótkiziledi.
Damır Qojamqul.