Sırııa hımııalyq qarýǵa baılanysty qoıylǵan barlyq sharttardy oryndaýǵa jáne ony kez kelgen eldiń qaraýyna berýge qarsy emes. Bul týraly Sırııa prezıdenti Bashar Asad «Fox News» telearnasyna bergen suhbatynda málimdedi dep habarlaıdy "TopNews.ru" saıty.
Bashar Asad óziniń suhbatyna Sırııa hımııalyq qarýyn qaraýyna alyp, ony joıamyn degen kez kelgen elge, tipti, AQSh-qa da berýge daıyn ekenin jetkizdi.
«Eger AQSh úkimeti bizdiń hımııalyq qarýlarymyzdyń ótem aqysyn tólep, onyń barlyq jaýapkershiligin óz moıyndaryna alatyn bolsa, berýge qarsy bolmaımyz» – dedi Bashar Asad.
Sırııa jetekshisiniń aıtýyna qaraǵanda, eldegi hımııalyq qarýlardy joıý úshin 1 mıllıard dollar jáne bir jyldaı ýaqyt kerek.
Bashar Asad suhbat barysynda Reseıdiń dıplomatııalyq qoldaýyna joǵary baǵa berdi.
Joldybaı Bazar.