Týnıstiń bıligi óz elderinen Sırııaǵa baryp, kóterilisshilerdiń jynystyq qatynas jónindegi qajettiligin óteıtin «djıhad-al-nıkah» («neke djıhady») aksııasyna qatysýǵa tilek bildirýshi qyzdardyń kóbeıip bara jatqanyna alańdap otyr. Bul týraly AFP habarlady.
Eldiń ishki ister mınıstri Lotfı Ben Djeddý parlamenttegi tyńdaý kezinde Týnıs áıelderiniń Sırııaǵa attanyp, onda «20, 30, 100 sodyrdyń jynystyq qatynas jónindegi tilegin qanaǵattandyryp qaıtatyndaryn» aıtyp shaǵyndy. Onyń sózine qaraǵanda, qazir Sırııada bolǵan kóptegen áıelder elge júkti bolyp oralyp jatyr eken.
Ishki ister vedomstvosynyń basshysy, biraq, naqtyly qansha áıeldiń elge ekiqabat bolyp oralǵanyn aıtyp bere almady. Al bıylǵy jylǵy naýryz aıynan beri týnıs bıligi 6000 jas qyzdyń Sırııaǵa barý jónindegi suranystaryna ruqsat bermeı qoıypty.
Budan buryn ıslam uıymdarynyń tek Srııaǵa ǵana emes, sondaı-aq Mysyrǵa da «djıhad al-nıkah» aksııasyna, ıaǵnı ýaqytsha nekege turýǵa attandyryp kelgenin habarlaǵan bolatyn. Buǵan maldanyp qalatyn qyzdar ózderiniń osy arqyly «qasıetti soǵysqa» óz úlesterin qosa alatyndaryna qatty ılanatyn kórinedi.
Sultan Bozaıǵyr.