Ústimizdegi jylǵy 15 qyrkúıek kúni О́zbekstannyń Buhara oblysyndaǵy Vabkent aýdynynyń Narchok qıshlaǵyndaǵy maqtalyq alqapta maqta ónimi úıindisiniń astynda qalyp qoıǵan 6 jasar bala tunshyǵyp óldi. Bul týraly «Fergana.news» agenttigi habarlady.
2007 jyly týǵan bul balanyń aty Amırbek Rahmatov eken. Bıyl mekteptiń birinshi synyby tabaldyryǵynan attaǵan ol sol kúni sabaqqa barmaı, anasyna kómektespekshi bolyp, maqtalyq alqapqa kelgen eken. Birazdan keıin sharshaǵasyn dem almaq bolyp, traktordyń telejkasy qorabyna shyǵyp, uıyqtap qalady. Al keshke qaraı onda balanyń jatqanyn ańǵarmaǵan maqta terýshiler qorapqa teńderdi laqtyryp tastaı bastaıdy. Onda búldirshinniń jatqany maqta qabyldaý pýnktinde bir-aq baıqalady. Bul kezde ol áldeqashan jantásilim etken eken.
Sultan Bozaıǵyr.