Mańǵystaý oblysynyń ortalyǵy – Aqtaý qalasy turǵyndarynyń aıtarlyqtaı bóligi oblysta at ústinde júrgen azamattardy tústep tanı bermeıtin bolyp shyqty. Bul jergilikti «Týmba» gazet-saıtynyń jýrnalısteri júrgizgen saýaldamanyń nátıjesinde anyqtaldy.
Kúni keshe basylymnyń tilshileri Irına Goncharova, Larıanna Shamhalaeva jáne Amandyq Amanqulov kóshege shyǵyp, júrginshi jurtshylyqpen júzdesip, joǵarydaǵy máseleni anyqtaýǵa atsalysqan eken. Ol kópshilikke Mańǵystaý oblysynyń ákimi Alık Aıdarbaevtyń, «Nur Otan» HDP oblystyq fılıaly tóraǵasynyń orynbasary Qanybek Jumashevtiń, oblystyq densaýlyq saqtaý basqarmasynyń bastyǵy Rýslan Bektibaevtyń, Aqtaý qalasynyń ákimi Edige Jańbyrshınniń, «Jorǵa» ansambiliniń jetekshisi Serik Sarıevtiń, Aqtaý qalasynyń prokýrory Talǵat Aıtbaevtyń, Aqtaý qalasy ákiminiń orynbasary Rahat Eltizarovtyń, qalalyq máslıhattyń hatshysy Marat Moldaǵulovtyń sýretterin kórsetip, olardyń kim ekendikterin suraǵan. Sonda kópshiligi sýrettegi tulǵalardy naqtylap atap bere almaǵan.
Bul neni bildiredi? Laýazymdy tulǵalardyń halyq arasynda jıi bolmaıtynyn ba, álde jurttyń bıliktegilerdiń kimder ekenine qyzyqpaıtynyn ba?
Sultan Bozaıǵyrov.
{youtube}4VOb1Fg5b8Q{/youtube}