О́tken senbi jáne jeksenbi kúnderi Shyǵys Qazaqstan oblysynyń Semeı qalasy úlken dúbirge bólendi. Munda Qazaqstan fýtbolynyń 100 jyldyǵy keń kólemde atalyp ótti. Al osy toıǵa deıin oblysta kóptegen sharalar uıymdastyryldy.Mysaly Shemonaıha aýdanynda 1000 fýtbol doby satyp alynyp, aýyldyq okýrgterge tegin taratyldy. Semeıdegi «Spartak» stadıony kúrdeli jóndeýden ótkizilip, О́skemendegi «Vostok» stadıonyndaǵy fýtbol alańy jańǵyrtyldy. Bıylǵy jylǵy aqpan aıynda Federatıvtik Germanııa Respýblıkasynan «Iаrysh» fýtbol komandasynyń tósbelgisi jetkizildi. Sol kezdegi komandanyń birinshi kapıtany Iýnýs Nıgmatýlınniń qurmetine Sháıjúnisov kóshesindegi 55 úıge memorıaldyq taqta ornatylyp, Semeı kósheleriniń birine «Qazaqstan fýtbolyna 100-jyl» ataýy berildi.
Mereke kúnderi Semeı qalasyna Máskeýdiń «Spartak», Qazannyń «Rýbın», Kıev pen Tbılısıdiń «Dınamo», Bishkektiń «Alǵa» komandalarynyń ardagerleri kelip, týrnır ótkizdi.
Oblys kóleminde 100 fýtbol alańy jańadan salyndy. Taǵy 6 fýtbol alańy paıdalanýǵa berilmek.
Halyqaralyq ǵylymı-praktıkalyq konferensııa, álemdik fýtbol juldyzdarynyń qatysýymen baspasóz máslıhaty ótkizildi.
Jyl basynan beri 2 myńnan asa buqaralyq-sporttyq is-sharalar uıymdastyrylyp, 300 myńnan astam turǵyndar tartyldy.
Murat Aıtqoja.