Basymdyqtarǵa basa nazar aýdaryldy

Qazaqstan Respýblıkasynyń Qorǵanys mınıstri Ádilbek Jaqsybekov Reseı Federasııasynda Syrtqy ister mınıstrleri keńesiniń, Qorǵanys mınıstrleri keńesi men UQShU qaýipsizdik keńesi hatshylary komıtetiniń jáne UQShU Ujymdyq qaýipsizdik keńesi sessııasynyń otyrysyna qatysty.

Qazaqstan Respýblıkasynyń Qorǵanys mınıstri Ádilbek Jaqsybekov Reseı Federasııasynda Syrtqy ister mınıstrleri keńesiniń, Qorǵanys mınıstrleri keńesi men UQShU qaýipsizdik keńesi hatshylary komıtetiniń jáne UQShU Ujymdyq qaýipsizdik keńesi sessııasynyń otyrysyna qatysty.

Sochıde, keshe túske deıingi mezgilde Ujymdyq qaýipsizdik shar­ty uıymy qorǵanys, syrtqy ister mınıstrleri men qaýipsizdik keńe­siniń hatshylary birqatar máse­leni qarastyrdy. UQShU Bas hat­shysy Nıkolaı Bordıýja Qyr­ǵyz Respýblıkasynyń 2013 jyly Uıymǵa tóraǵalyq etýi kezeńinde UQShU UQK-niń jeltoqsan (2012) sessııasy sheshimderiniń oryndalýy, Bishkektegi UQShU-ǵa múshe memleketter basshylarynyń beıresmı kezdesýiniń jáne UQShU qyzmetiniń basym baǵyttarynyń júzege asyrylýy jóninde habarlady.

Otyrysqa qatysýshylardyń nazary negizinen keleshekte Uıym­nyń tájirıbe júzinde syrt­­qy saıa­sı úılesimdiligi shara­larynyń artýyna, áskerı quramdas bóliginiń ny­ǵaıýyna, qaýip-qaterge qarsy je­del aldyn alý sharalaryna, son­daı-aq, Uıym qyzmetiniń qu­qyqtyq, qarjylyq jáne aq­pa­rattyq qamtamasyz etilýine aýdaryldy.

Birikken sessııa otyrysynyń kún tártibine 2020 jylǵa deıingi kezeńde UQShU ujymdyq qaýip­sizdigi júıesi basqarý organ­dary­nyń birlesip júzege asyratyn jedel jáne jaýyngerlik daıyndyǵy jáne kúshteri men qarajatyn qalyptastyrý máseleleri engizildi.

– Uıymnyń áskerı quramdas bóliginiń damýy úshin Ujymdyq jedel den qoıý kúshteriniń qýatyn arttyrýǵa basa kóńil bólý qajet. Bul ustanymdy Bishkekte aǵymdaǵy jylǵy mamyr aıynda UQShU-ǵa múshe memleketter basshylarynyń beıresmı sammıtinde Qazaqstan Respýblıkasynyń Prezıdenti Nursultan Nazarbaev qoldaǵan bolatyn, – dedi Uıym sheńberindegi áskerı yntymaqtastyqtyń ba­sym­dyǵy jóninde Qorǵanys mınıstri Ádilbek Jaqsybekov.

Tústen keıin UQShU-ǵa múshe mem­leketter basshylarynyń qa­­­tysýymen Ujymdyq qaý­ip­­siz­dik keńesi sessııasynyń keń­eı­­­­til­gen plenarlyq otyrysy ót­ki­zil­di.

UQShU Ujymdyq qaýipsizdik keńesi sessııasynyń qorytyndysy boıynsha qatysýshylar Birlesken kommıýnıkege qol qoıdy.

«Egemen-aqparat».