Keshe Ortalyq kommýnıkasııalar qyzmetinde ótken dástúrli brıfıngte resmı ókil Altaı Ábıbýllaev apta ishinde elimizdiń ishki jáne syrtqy saıasatyna qatysty júrgiziletin basty oqıǵalardy jýrnalıster nazaryna usyndy.
Keshe Ortalyq kommýnıkasııalar qyzmetinde ótken dástúrli brıfıngte resmı ókil Altaı Ábıbýllaev apta ishinde elimizdiń ishki jáne syrtqy saıasatyna qatysty júrgiziletin basty oqıǵalardy jýrnalıster nazaryna usyndy.
Alda qylyshyn súıretip kárli qys kele jatqandyqtan, oǵan daıyndyq barysynyń da Úkimet nazarynda ekendigin jýrnalıster qaperine salǵan resmı ókil osyǵan oraı 24 qyrkúıekte Premer-Mınıstr Serik Ahmetovtiń tóraǵalyǵymen bolatyn Úkimet otyrysynda eldiń barlyq óńirlerinde jylý berý maýsymyna degen daıyndyq máselesi qaralatynyn jetkizdi.
Osy apta ishinde, ıaǵnı 25 qyrkúıekte Astanada Keden odaǵynyń jáne Qazaqstan, Reseı, Belorýssııanyń Birtutas ekonomıkalyq keńistiginiń joǵary organy bolyp tabylatyn Joǵary eýrazııalyq ekonomıkalyq keńestiń jumysy júretini jáne oǵan Premer-Mınıstr Serik Ahmetovtiń qatysatyny da brıfıngte málim boldy. A.Ábıbýllaev sol kúni Memleket basshysy Nursultan Nazarbaevtyń otyrysqa qatysýshy taraptar – Qazaqstan Premer-Mınıstri Serik Ahmetovti, Reseı Úkimetiniń Tóraǵasy Dmıtrıı Medvedev pen Belarýs Úkimetiniń Premer-mınıstri Mıhaıl Mıasnıkovıchti qabyldaıtynyn aıtty.
Jalpy, Reseı Úkimeti tóraǵasynyń Astanaǵa sapary aıasynda reseılik tarappen ekijaqty qarym-qatynastyń aýqymdy máseleleri, saýda jáne energetıkalyq yntymaqtastyqtyń negizgi tetikteri, ǵarysh salasyndaǵy ózara yntymaqtastyq, sonymen qatar, Ekaterınbýrgte ótkeli otyrǵan 10-shy mereıtoıly Qazaqstan-Reseı óńiraralyq forýmyna daıyndyq pen Keden odaǵy jáne Birtutas ekonomıkalyq keńistik aıasyndaǵy ózara yntymaqtastyqty jetildirý sharalary egjeı-tegjeıli talqylanatyn kórinedi.
Osydan keıin brıfıngte jýrnalıster aldyna shyqqan Aýyl sharýashylyǵy mınıstri Asyljan Mamytbekov bıylǵy egin jınaý naýqanynyń ózgeshelikterin ortaǵa saldy. Onyń aıtýynsha, bıyl aýa raıynyń qolaısyz jaǵdaıyna baılanysty elimizdiń úsh negizgi bıdaı ósirýshi oblystarynda egin jınaý naýqany eki aptaǵa kesh bastalǵan.
Statıstıka agenttiginiń málimetine súıene derekter keltirgen mınıstr 2013 jyly barlyq aýyl sharýashylyǵy dándi daqyldarynyń egistik alqaptary 21,5 mln. gektar qurap otyrǵanyn jetkizdi. Sońǵy 21 qyrkúıektegi derekterge qaraǵanda, 10,3 mln. ga (65,0%) jerdiń egini jınalǵan kórinedi. Mınıstr óz sózinde bıylǵy egin jınaý naýqanynyń kesh bastalǵanyna qosa, ózge de qıyndyqtar týyp otyrǵanyn jetkizdi. Dıqan qaýymyna aýa raıyna jáne egistik alqaptardyń jalpy kúıine oraı (aramshóptilik jáne t.b.) jınaý jumystaryn eki satylyq ádis arqyly júrgizýge týra kelgenimen de bólisti.
Sondaı aq, Asyljan Sarybaıuly egin oraǵyn ótkizý barysyna memleket tarapynan jasalǵan qoldaý jaıly da áńgimelep berdi. Máselen, bıylǵy egin oraǵyna 410 myń tonna mólsherinde dızel otyny bólinip, ol munaı óńdeý zaýytynan lıtri 78 teńgeden satyp alynǵanyn aıtqan mınıstr dıqanǵa jetken otynnyń naryqtaǵy baǵadan 10 paıyzǵa arzanǵa túskenin de nazarǵa saldy.
Mınıstr brıfıngte astyq qabyldaý kásiporyndarynyń (AQK) astyq saqtaýǵa daıyndyǵyna da toqtalyp ótti. Búgingi tańda astyq saqtaıtyn syıymdylyqtar 24,6 mln. tonnany qurap otyr, bul boljamdalǵan 18,5 mln. tonnadaı astyqty saqtaýǵa múmkindik beredi, degen ol 19 qyrkúıekte AQK-lerge jetken astyq kólemin jarııa etti. Ol boıynsha 2053,2 myń tonna astyq kirse, onyń ishinde bıdaıy 1869,2 myń tonna, arpa 147,1 myń tonna, basqa da dándi daqyldar 26,3 myń tonna, kúrish 10,6 myń tonnany quraǵan kórinedi.
Egin oraǵy kesh bastalsa da, el rızyǵy kemimese kerek.
Anar TО́LEÝHANQYZY,
«Egemen Qazaqstan».