Qazaqstan halqy tilderiniń kúni qarsańynda, 2013 jylǵy 20 qyrkúıekte Syrtqy ister mınıstrligi memlekettik qyzmetkerler arasynda memlekettik tildiń qoldanys aıasyn odan ári keńeıtý, ony qoldaý jáne damytý maqsatymen qazaq tili keshin ótkizdi, dep habarlady QR SIM-iniń baspasóz qyzmeti.
Qazaqstan halqy tilderiniń kúni qarsańynda, 2013 jylǵy 20 qyrkúıekte Syrtqy ister mınıstrligi memlekettik qyzmetkerler arasynda memlekettik tildiń qoldanys aıasyn odan ári keńeıtý, ony qoldaý jáne damytý maqsatymen qazaq tili keshin ótkizdi, dep habarlady QR SIM-iniń baspasóz qyzmeti.
Syrtqy ister mınıstri Erlan Ydyrysov keshti asha otyryp, Elbasy Nursultan Nazarbaevtyń «Qazaqstannyń bolashaǵy – qazaq tilinde» degen sózderiniń tereń mańyzyna toqtala kelip, memlekettik tildiń qoldanys aıasyn keńeıtý barsha qazaqstandyqtardyń basty boryshy ekendigin atap kórsetti. «Qazir qazaq tiliniń halyqaralyq qyzmettegi róli artyp keledi. Qazaq tiliniń qudiretin, ata-babanyń asyl sózin, ulttyq ónerdi tereń túsiný úshin búgingi keshtiń belgili bir taǵylymy bolady dep senemin», dedi ol.
Syrtqy ister mınıstrliginiń jaýapty hatshysy Asqar Mýsınov óz sózinde Qazaqstan halqy tilderiniń kúnine oraı respýblıkamyzdyń barlyq óńirlerinde til festıvalderi, til aılyǵy, til aptalyqtary, mádenı-ádebı keshter, baıqaýlar, kezdesýler, olımpıadalar, shyǵarmashylyq saıystar ótkizilgenine, bul keshtiń de osy til merekesi aıasyna kiretin mańyzdy is-sharanyń biri ekendigine toqtaldy. «Tilderdi damytýdyń memlekettik baǵdarlamasynda memlekettik tilimizdiń halyqaralyq qyzmettegi rólin arttyrý mindeti alǵa qoıyldy. Bul maqsat Syrtqy ister mınıstrliginiń qyzmetkerlerine úlken jaýapkershilik júkteıdi», dedi ol.
Qazaq tili keshinde dıplomattar: «Maqal – sózdiń máıegi», «Bilimdi myńdy jyǵar», «О́nerli órge júzer» nomınasııalary boıynsha til, bilim, óner saıysyna tústi. Sondaı-aq, osy keshke arnaıy shaqyrylǵan sheteldikter – dıplomatııalyq korpýstyń birqatar ókilderi qazaq tilin úırenip júrgendikteri týraly aıtyp, óz elderi týraly qazaqsha áńgimelep berdi.