Jýyrda birinshi dúnıejúzilik soǵys jyldarynda tutqynda bolyp, sol bir aýyr kezeńniń azapty kúnderin basynan ótkergen Hasan Iskakuly Abdýllatıpov degen azamattyń hattary tabyldy. 1916 jyly jazylǵan bul hattar sarǵaıyp, kónerse de jaqsy saqtalypty. Semeı qalasy, Popovskaıa kóshesi, 8-úıde turatyn anasyna joldanǵan hattardaǵy marjandaı jazýlar anyq oqylady:
Jýyrda birinshi dúnıejúzilik soǵys jyldarynda tutqynda bolyp, sol bir aýyr kezeńniń azapty kúnderin basynan ótkergen Hasan Iskakuly Abdýllatıpov degen azamattyń hattary tabyldy. 1916 jyly jazylǵan bul hattar sarǵaıyp, kónerse de jaqsy saqtalypty. Semeı qalasy, Popovskaıa kóshesi, 8-úıde turatyn anasyna joldanǵan hattardaǵy marjandaı jazýlar anyq oqylady:
«Zdrastvýıte dorogaıa mamasha ı sestra Gýlchıre. Iа vam posylaıý nızkiı poklon» dep bastalatyn saǵynysh hattarynyń jalpy sany toǵyz. Sonymen qatar, hattyń sol jaq buryshyna «Vskryto voennoıý senzýroı. G.Petrograd. Voennyı Senzor №337» degen buryshtama soǵylypty.
– Hattarmen qosa, Abdýllatıpov degen azamattyń ár jyldarda jumys istegen jerinen alynǵan anyqtamalary men esep kitapshasy da bar, soǵan qaraǵanda, bul azamat soǵystan aman-esen kelip, Semeı jerinde alýan túrli jumys istegen, – deıdi «Shákárimtaný» ortalyǵynyń dırektory A. Smaǵulova.
Hattar men qujattardy tapsyrýshy Semeı qalasynyń turǵyny Ǵ.Túsipovtiń aıtýynsha, olardy ol Semeı qalasyndaǵy eski baspahana ornynan taýyp alǵan kórinedi. Osydan 97 jyl buryn jazylǵan hattar Semeı qalasynyń Shákárim atyndaǵy memlekettik ýnıversıteti murajaıynyń kóne jádigerleriniń qatarynan oryn alary sózsiz.
Qazir murajaı mamandary hattar men qujattardyń tarıhı derekkózderin jan-jaqty izdestirýde.
Raýshan NUǴMANBEKOVA.
SEMEI.