Mınıstrlik 23 naýryzdan bastap el turǵyndaryn rýhanı, mádenı jáne moraldyq turǵydan baıytý, ártúrli jastaǵy azamattardyń sporttyq belsendiligin qoldaý maqsatynda birqatar jobalardy júzege asyryp keledi. Bul qatarda dáris, vebınar, konsert, vırtýaldy ekskýrsııa, balalarǵa arnalǵan ertegiler, belgili atlettermen ótkiziletin jattyǵýlar, qashyqtan jáne onlaın rejımdegi spektaklder men fılmder bar.
11 mamyrda Memleket basshysy Tótenshe jaǵdaı rejımin qamtamasyz etý jónindegi memlekettik komıssııanyń qorytyndy otyrysynda Tótenshe jaǵdaı rejımi aıaqtalǵanymen, indet bəseńsimeı turǵan keı óńirlerde saqtyq sharalary jalǵasatynyn aıtqan edi. Osyǵan baılanysty Mınıstrlik onlaındaǵy jumysyn jańa formatta jalǵastyrady.
Búginnen bastap el turǵyndaryna kún saıyn 5 mədenı-sporttyq is-shara onlaında qoljetimdi bolady.
08:00-de #BizBirgemiz #AlǵaQazaqstan heshtegimen tanymal sportshy, bapkerlerdiń qatysýymen tańǵy jattyǵý ótedi. Elge esimi tanys atletter jalpy halyqqa salaýatty ómir saltyn qalyptastyrýdy nasıhattap, osy baǵytta eleýli úles qosyp keledi.
12:00 men 20:30-da «Ertegiler əleminde» baǵdarlamasy Mádenıet jáne sport mınıstrliginiń You Tube arnasy men bizbirgemiz_culture ınstagram paraqshasynan efırine shyǵady. Elimizdiń úzdik teatr akterleri balalarmen qııal-ǵajaıyp əlemine saıahatyn jalǵastarady.
14:00-de #óneronline #onlinedabol heshtegimen mədenıet, óner taqyrybynda onlaın-dərister ótedi. Bul sheberlik-dárisin Mádenıet jáne sport mınıstrliginiń You Tube arnasynan tamashalaı alasyzdar.
18:00-de qazaqstannyń mańdaı aldy balet ujymdary ozyq qoıylymdaryn Mádenıet jáne sport mınıstrliginiń You Tube arnasy men bizbirgemiz_culture ınstagram paraqshasynda tartý etedi.
20:00-de Tanymal ənshilerimizdiń Mədenıet jəne sport mınıstrliginiń altyn qoryndaǵy konserti men opera maıtalmandarynyń ónerine Mádenıet jáne sport mınıstrliginiń You Tube arnasy men bizbirgemiz_culture ınstagram paraqshasynan kýə bola alasyzdar.