Memleket basshysy Nursultan Nazarbaev Keńes Odaǵynyń Batyry, Halyq Qaharmany jáne Qazaqstan Respýblıkasynyń alǵashqy Qorǵanys mınıstri Saǵadat Nurmaǵambetovtiń qaıtys bolýyna baılanysty otbasy men týǵan-týystaryna kóńil aıtý jedelhatyn joldady, dep habarlady Prezıdenttiń baspasóz qyzmeti.
Memleket basshysy Nursultan Nazarbaev Keńes Odaǵynyń Batyry, Halyq Qaharmany jáne Qazaqstan Respýblıkasynyń alǵashqy Qorǵanys mınıstri Saǵadat Nurmaǵambetovtiń qaıtys bolýyna baılanysty otbasy men týǵan-týystaryna kóńil aıtý jedelhatyn joldady, dep habarlady Prezıdenttiń baspasóz qyzmeti.
Nursultan Nazarbaev Saǵadat Qojahmetulynyń búkil ómiri men qyzmeti óz Otany men halqyna adal ári berile qyzmet etýdiń úzdik úlgisi ekenin atap ótken.
«Jastyq shaǵy Uly Otan soǵysymen tuspa-tus kelgen ol maıdanda fashıstik basqynshylarǵa qarsy erlikpen shaıqasty. Erligi joǵary memlekettik nagradalarmen atap ótildi.
Soǵystan keıingi ómirin áskerı qyzmetke arnap, munda da talantty sardar, tamasha qolbasshy retinde tanyldy. О́ziniń biliktiligi men talapshyldyǵyna qosa, qarapaıymdylyǵymen jáne ádildigimen áriptesteriniń arasynda zor abyroı men bedelge ıe boldy.
Ol el táýelsizdiginiń bastapqy qıyn-qystaý jyldarynda Qazaqstan Respýblıkasynyń alǵashqy Qorǵanys mınıstri retinde elimizdiń Qarýly Kúshterin qalyptastyryp, nyǵaıtýǵa ólsheýsiz zor úles qosty. Sol sebepti oǵan Halyq Qaharmany ataǵy berilgenin erekshe sezimmen eske alamyn.
Halqymyz onyń eńbegin eshqashan umytpaıdy, al onyń jarqyn dıdary bizdiń jadymyzda árdaıym saqtalady», – delingen jedelhatta.