Táýelsiz elimizdiń tuǵyryn berik, mártebesin bıik ustaıtyn mamandar daıyndaýda talmaı eńbek etken, bilim men ǵylym júıesiniń damýyna, bolashaq zańger mamandar daıarlaý isine úlken úles qosqan, zań salasynda ǵalymdar mektebiniń qalyptasýyna úlken eńbek sińirgen ulaǵatty ustazdardyń biri – Qazaqstan Respýblıkasyna eńbegi sińgen ǵylym men tehnıka qaıratkeri, Qazaqstan Ulttyq jaratylystaný ǵylymdary akademııasynyń akademıgi, zań ǵylymdarynyń doktory, professor Elegen Qaıyrjanovtyń 80 jyldyǵyna arnalǵan eske alý rásimine oraı Qazaqstan Ulttyq jaratylystaný ǵylymdary akademııasy (QazUJǴA) men Qaınar ýnıversıteti birlesip «Qylmys obektisiniń máseleleri» atty taqyrypta dóńgelek ústel ótkizdi.
Táýelsiz elimizdiń tuǵyryn berik, mártebesin bıik ustaıtyn mamandar daıyndaýda talmaı eńbek etken, bilim men ǵylym júıesiniń damýyna, bolashaq zańger mamandar daıarlaý isine úlken úles qosqan, zań salasynda ǵalymdar mektebiniń qalyptasýyna úlken eńbek sińirgen ulaǵatty ustazdardyń biri – Qazaqstan Respýblıkasyna eńbegi sińgen ǵylym men tehnıka qaıratkeri, Qazaqstan Ulttyq jaratylystaný ǵylymdary akademııasynyń akademıgi, zań ǵylymdarynyń doktory, professor Elegen Qaıyrjanovtyń 80 jyldyǵyna arnalǵan eske alý rásimine oraı Qazaqstan Ulttyq jaratylystaný ǵylymdary akademııasy (QazUJǴA) men Qaınar ýnıversıteti birlesip «Qylmys obektisiniń máseleleri» atty taqyrypta dóńgelek ústel ótkizdi.
Dóńgelek ústeldegi ǵylymı talqylaýlar Qazaqstanda adam quqyǵynyń qamtamasyz etilýi: jetistikter men problemalar; Qazaqstan Respýblıkasyndaǵy Qylmystyq, Qylmystyq is júrgizý jáne Qylmystyq atqarý zańnamalarynyń ózekti máseleleri; Qazaqstan Respýblıkasy Qylmystyq zańnamasy boıynsha qylmys obektisi máseleleri atty baǵyttar boıynsha júrgizildi.
QR UǴA korrespondent-múshesi, professor Kárimbek Qurmanálıevtiń tóraǵalyǵymen ótken dóńgelek ústel májilisinde Elegen Qaıyrjanulynyń shákirti, Parlament Májilisiniń depýtaty, zań ǵylymdarynyń doktory Nurlan Ábdirov «QR Qylmystyq zańnamasy boıynsha qylmys obektisi máselesi» atty taqyrypta baıandama jasap, ustazynyń ónegeli isterin aıtyp, onyń qylmys obektisine baılanysty negizgi ustanymdaryna erekshe toqtalyp, zańgerlerdiń aldynda turǵan mindetterdi atap kórsetti. Sondaı-aq, zań ǵylymdarynyń doktorlary: Zaıyrhan Ashıtov, Rıma Jansaraeva, Esbergen Alaýhanov, Lázıza Bersúgirova, Aryqbaı Aǵybaev, Álken Myńdaǵulov, Dýlat Shoqmaıytov, Gaýhar Rústemova, Talǵat Ákimjanov, Shaımerden Sharıpov jáne Solıdat Qaıyrjanovalar kún tártibindegi máseleler boıynsha óz oılaryn ortaǵa salyp, ulttyq quqyqtyq júıeni jańǵyrtýdy odan ári jetildirý baǵytynda óz usynystaryn talqylaýǵa usyndy.
Dóńgelek ústelde jańadan qabyldanatyn qylmystyq, qylmystyq is júrgizý zańnamalarynyń jańa jobasyna baılanysty da, qylmystyq zańnamany izgilendirý jónindegi ustanymdar jóninde de qyzý pikirtalas órbidi.
Osy is-shara aıasynda Qaınar ýnıversıtetinde akademık Elegen Qaıyrjanovtyń esimi berilgen Krımınalıstıka zerthanasynyń ashylý saltanaty ótti.
Dóńgelek ústelge qatysýshylar talqylanǵan másele boıynsha usynymdar qabyldady.
Aıgúl BIJANOVA,
zań ǵylymdarynyń doktory.