Jańa rámizdermen tanystyrdy

Keshe Astanada Qazaqstan Kommýnıstik halyq partııasynyń jańa rámizderin tanystyrý rásimi ótti.

Keshe Astanada Qazaqstan Kommýnıstik halyq partııasynyń jańa rámizderin tanystyrý rásimi ótti.

Bul uıym músheleri ústimizdegi jylǵy 1 maýsymda ótken VIII kezekten tys sezinde partııanyń normatıvtik quqyqtyq qujattaryn, jańa baǵdar­lamasy men jańa jarǵysyn qabyldaǵan bolatyn. Sol ózgeristerdiń aıasynda, zaman talabyna saı ilgerileý maqsatymen olar partııa rámizderin jańartýdy da jón kóripti. Tanystyrý barysynda Parlament Májilisiniń depýtaty, Áleýmettik-mádenı damý komıtetiniń múshesi, Kommýnıstik halyq partııa­sy Ortalyq komıtetiniń hatshysy Jambyl Ahmetbekov jańa rámizderdiń mán-maǵynasyn túsindirip ótti.

Munda beınelengen besburyshty juldyz partııanyń eń naqty basym­dyq­taryn belgileıdi. Ol – halyq bıligi, eńbek quqyǵy, áleýmettik ádilet­tilik, saıası teńdik pen ınterna­sıo­naldylyq», dedi ol.

«Qazaqstan Kommýnıstik ha­lyq partııasy» qoǵamdyq bir­les­tigi – kommýnıstik ıdeıany qol­daı­tyn Qazaqstan Respýblıkasy azamat­tarynyń birikken erikti birlestigi. Ol jumysshylar men sharýalardyń, ıntellıgensııanyń jáne barlyq eńbek adamdarynyń múddelerin qorǵaıdy.

Aıdar О́RISBAEV,

«Egemen Qazaqstan».