Halyqaralyq shaıbaly hokkeı federasııasynyń resmı saıtynda 2021 jyly ótetin hokkeıden álem chempıonatynyń jerebesi jarııalandy. Kelesi jylǵy jahan birinshiligi 7-23 mamyr aralyǵynda Belarýs jáne Latvııada uıymdastyrylady.
Jerebege sáıkes, shaıbaly hokkeıden Qazaqstan quramasy V tobynda AQSh, Kanada, Fınlıandııa, Germanııa, Latvııa, Norvegııa jáne Italııa quramalarymen synǵa túsedi. V tobynyń oıyndary Latvııa astanasy Rıgada ótedi.
Elıtaly dıvızıonnyń A tobynda Reseı, Shvesııa, Shveısarııa, Chehııa, Slovakııa, Danııa, Ulybrıtanııa jáne jarys qojaıyndary Belarýs quramalary baq synaıdy. Bul toptaǵy matchtar Belarýs astanasy Mınskide oınalady. Sondaı-aq atalǵan eki qalada shırek fınaldyń eki kezdesý ótedi dep josparlanǵan.
Aıta ketelik, 2020 jylǵy álem chempıonaty Shveısarııanyń Sıýrıh pen Lozanna qalalarynda ótýi tıis bolatyn. Alaıda 22 naýryzda koronavırýs indetine baılanysty bıylǵy birinshilik ótpeıtini belgili boldy.