Qazaqstan musylmandary dinı basqarmasynyń tóraǵasy Erjan qajy Malǵajyuly gir tasyn kóterýden álem jáne Eýropanyń 18, Eýrazııa jáne Qazaqstannyń 5 dúrkin chempıony, Almaty oblysy, Kóksý aýdany, Jambyl aýylynyń ımamy Ámirbaı Rysqulovty qabyldady.
Qazaqstan musylmandary dinı basqarmasynyń tóraǵasy Erjan qajy Malǵajyuly gir tasyn kóterýden álem jáne Eýropanyń 18, Eýrazııa jáne Qazaqstannyń 5 dúrkin chempıony, Almaty oblysy, Kóksý aýdany, Jambyl aýylynyń ımamy Ámirbaı Rysqulovty qabyldady.
11-17 qyrkúıek aralyǵynda Vengrııada egde jastar arasynda Eýrazııa, Azııa jáne Vengrııanyń Ashyq birinshiligi halyqaralyq sport jarysy ótken bolatyn. Gir tasyn kóterý boıynsha jerlesimiz Ámirbaı aqsaqal altynnan alqa taǵyp qaıtty. Qarııanyń jasy 80-ge taıap qalsa da áli tyń. О́zin sergek ustaıdy. Sonymen, chempıon ımamymyz serpe kóterýden 10 kılo gir tasyn 10 mınýt ishinde 231 ret baǵyndyrǵan. Osy salmaqty quraıtyn tasty julqa kóterý boıynsha 3 mınýtta 84 ret, al serpe kóterýdiń uzartylǵan túri boıynsha 64 ret baǵyndyrypty.
Bas múftı Ámirbaı Silámjanulyn jeńisimen quttyqtap, iltıpat kórsetip, izgi tilegin jetkizdi. «Islam dini adamdardy sportpen shuǵyldanyp, salamatty ómir saltyn qalyptastyrýǵa úndeıdi. Qartaıdym demeı, sportty janyńyzǵa serik etip, ózińizdi sergek ustaýyńyz elimizdiń jastaryna úlken úlgi bolady dep senemin. Árdaıym osy bıikten kórine berińiz. Memleketimizdiń mereıin ústem etip, jarystarda elimizdiń týyn jelbiretip júre berińiz. Alla taǵala denińizge saýlyq, kúsh-qýat bersin», – dedi Erjan qajy Malǵajyuly.
Ámirbaı ata aldaǵy aıda Arhangelsk qalasynda ótetin dúbirli dodaǵa daıyndalýda. Biz de óz tarapymyzdan halyqaralyq dárejedegi sport sheberine sáttilik tileımiz.
Aǵabek QONARBAIULY,
QMDB baspasóz hatshysy.