Memleket basshysy Qasym-Jomart Toqaev reseılik «Komsomolskaıa pravda» basylymyna bergen suhbatynda Reseımen jáne Belarýspen aradaǵy yntymaqtastyqty odan ári damytý týraly kózqarasy men birlesken jobalary jaıynda áńgimeledi.
«Bizdiń elimizdiń azamattary úshin Reseı eń jaqyn memleket boldy jáne solaı bolyp qala beredi. Eki el arasyndaǵy senim men ózara túsinistik ǵasyrlar boıy qalyptasqan, aýyr synaqtar kezinde biz árqashan birge boldyq. Kóptegen reseılikter men qazaqstandyqtardy týystyq, dostyq, kásibı baılanystar biriktiredi. Reseıge degen jyly qarym-qatynasty áleýmettik saýalnamalar da kýálandyrady», - dedi Qasym-Jomart Toqaev suhbatynda.